មកមិនទាន់បានប៉ុន្មានផង Mbappe តាមស្មើកំណត់ត្រាពិសេសមួយរបស់ Ronaldo នៅ UCL ទៅហើយ

កីឡា៖ កាលពីយប់ថ្ងៃទី២១ ខែមករាកន្លងទៅ ក្រុម Real Madrid ក្រោមការដឹកនាំរបស់គ្រូបង្វឹកថ្មី បានយកឈ្នះ AS Monaco ៦ ទល់នឹង១ ក្នុងការប្រកួត Champion League វគ្គចែកពូល ដែលក្នុងនោះ Kylian Mbappe ក៏បានចំណែក ស៊ុតបញ្ចូលទីបាន២គ្រាប់ ទល់នឹងក្លិបចាស់របស់គេផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នោះមានន័យថា នៅរដូវកាលនេះ កីឡាករសញ្ជាតិបារាំងរូបនេះបានស៊ុតបញ្ចូលទី១១គ្រាប់ ក្នុងការបង្ហាញខ្លួនត្រឹមតែ៦ប្រកួតប៉ុណ្ណោះនៅ UCL តែយ៉ាងណាមិញ ២គ្រាប់របស់ Mbappe យប់មិញធ្វើឲ្យគេតាមស្មើកំណត់ត្រាពិសេសមួយរបស់ Cristiano Ronaldo ជានិមិត្តរូបរបស់គេផងដែរ។

ក្នុងនោះ Kylian Mbappe បានតាមស្មើកំណត់ត្រា Cristiano Ronaldo លើចំនួនគ្រាប់បាល់ដែលស៊ុតបញ្ចូលទីនៅវគ្គចែកពូល Champions League ក្នុងមួយរដូវកាល ដោយ Cristinao Ronaldo ធ្លាប់ស៊ុតបាន១១គ្រាប់ នៅវគ្គចែកពូល Champions League នារដូវកាល ២០១៥/២០១៦ ដែលគ្មានកីឡាករណាផ្សេងក្រៅពីពួកគេទាំងពីរអាចធ្វើបាននោះឡើយ៕