កូនប្រុស David Beckham ចេញមកកម្សាន្ត ជាមួយ ភរិយា យ៉ាងមានក្ដីសុខ

កម្សាន្ត៖ កូនប្រុសច្បងរបស់ អតីតកីឡាករបាល់ទាត់ David Beckham គឺ Brooklyn និងភរិយា Nicola បានបង្ហាញពីភាពរីករាយ ជាមួយនឹងការដើរលេងនៅលើឆ្នេរ Malibu ខណៈកំពុងលេចឭរឿងជម្លោះរបស់ខ្លួន ជាមួយនឹងគ្រួសារ Beckham។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កូនប្រុសច្បងរបស់ David Beckham និង Victoria Beckham ត្រូវបានគេប្រទះឃើញ ដើរលេងជាមួយភរិយារបស់ខ្លួន Nicola Peltz នៅ Malibu កាលពីថ្ងៃទី ២២ ខែមករា កន្លងទៅនេះ។ គូស្វាមីភរិយាមួយគូនេះ បានកាន់ដៃគ្នា និងញញឹមជាញឹកញាប់ ដោយបង្ហាញពីអារម្មណ៍ធូរស្រាល ខណៈមានបញ្ហាជម្លោះក្នុងគ្រួសារ Beckham ដែលកំពុងប្រឈមមុខ។

យ៉ាងណាមិញ នេះគឺជាការបង្ហាញខ្លួនជាសាធារណៈលើកដំបូងរបស់ Brooklyn ចាប់តាំងពីបានបង្ហោះសេចក្តីថ្លែងការណ៍ដ៏គួរឱ្យភ្ញាក់ផ្អើលមួយ នៅលើប្រព័ន្ធផ្សព្វផ្សាយសង្គម ដែលរូបលោក បានអះអាងថាលោកមិនចង់ផ្សះផ្សាជាមួយគ្រួសាររបស់ខ្លួនទេ ហើយបានគាំទ្រប្រពន្ធរបស់លោកជាសាធារណៈ។ ក្នុងនោះដែរ Brooklyn បានចោទប្រកាន់ម្តាយរបស់ខ្លួន ដោយអះអាងថា ឪពុកម្តាយរបស់លោកបានគ្រប់គ្រងរូបភាពប្រព័ន្ធផ្សព្វផ្សាយរបស់គ្រួសារអស់រយៈពេលជាច្រើនឆ្នាំ និងបានបំផ្លាញអាពាហ៍ពិពាហ៍របស់ខ្លួន ដោយចេតនា។

ដោយឡែក ការបង្ហាញខ្លួនលើកនេះ Brooklyn ហាក់ដូចជា មានភាពធូរស្រាល នៅពេលដែលលោក បានដើរជាមួយ Nicola និងឆ្កែរបស់ពួកគេ។ Nicola បានជ្រើសរើសស្ទីលធម្មតាជាមួយនឹងអាវស ខោខូវប៊យ និងស្បែកជើងរាបស្មើ ខណៈពេលដែល Brooklyn ពាក់អាវយឺតពណ៌ត្នោត ខោខ្មៅ និងមួកបេស្បល ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ