តម្លៃមាសបានឡើងជិតទៅដល់៦០០ដុល្លារ ក្នុងមួយជីនៅចុងសប្ដាហ៍នេះ

នៅថ្ងៃសុក្រទី២៣មករាឆ្នាំ២០២៦នេះ តម្លៃមាសនៅក្នុងទីផ្សារកម្ពុជាបានឡើងទៅដល់៥៩៩ ដុល្លារ ក្នុងមួយជី ខណៈតម្លៃមាសអន្តរជាតិបានឡើងទៅដល់៤៩៤៥ដុល្លារក្នុងរង្វាស់ទំងន់១អោន។

យោងតាមអ្នកជំនាញទីផ្សារមាសនៅក្នុងស្រុកបានលើកឡើងថា តម្លៃមាសទីផ្សារអន្តរជាតិបានឡើងនេះគឺ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយសារ វិបត្តិសេដ្ឋកិច្ច ភូមិសាស្ត្រនយោបាយ វិបត្តិសង្គ្រាមរុស្ស៊ី- អ៊ុយក្រែន និង ការចាប់ខ្លួន មេដឹកនាំ វេណេស៊ុយអេឡា ព្រមទាំងភាពតានតឹងរវាងសហរដ្ឋអាមេរិកជាមួយ ប្រទេសស៊ីរី និងអ៊ីរ៉ង់។

ជាពិសេសថ្មីៗនេះ គឺសម្ពាធពន្ធ របស់លោក ដូណាល់ ត្រាំ ជាមួយសហភាពអឺរ៉ុប និងប្រទេសមួយចំនួន ដែលដាក់ពន្ធទៅវិញ ទៅមកលើការនាំចេញ។

អ្នកជំនាញទីផ្សារមាសបានពន្យល់ថា ការដំឡើងពន្ធខ្លាំង វានឹងធ្វើឱ្យលុយធ្លាក់ចុះ ដែលរុញ ច្រានអោយតម្លៃមាស កើនឡើង។

សូមរម្លឹកថា កាលពីឆ្នាំ ២០២៥ តម្លៃមាសបានហក់ឡើងបំបែកកំណត់ត្រាខ្ពស់បំផុតត្រឹម ៥៥០ ដុល្លារ មួយជី ប៉ុន្តែបានចុះមកវិញនៅចុងឆ្នាំនៅត្រឹម៥៣០ដុល្លារ។ យ៉ាងណាក៍ដោយតម្លៃមាសកាលពី ឆ្នាំ២០២៥បានកើនជាង ៦០ភាគរយ ធៀបនឹងឆ្នាំ ២០២៤ ៕

ប្រភព៖ ក្រសួងព័ត៌មាន