Paris Hilton បង្ហាញភាពស្រស់ស្អាត ពេលចូលរួមកម្មវិធីមួយនេះ ជាមួយ កូនៗ

កម្សាន្ត៖ កូនប្រុសស្រីទាំងពីរ របស់ Paris Hilton បានធ្វើឲ្យមហាជនមានការចាប់អារម្មណ៍ នៅពេលដែលតារាស្រីរូបនេះ បានបង្ហាញដោយស្លៀកឈុតពណ៌ផ្កាឈូកដូចគ្នា ពេលទៅចូលរួមកម្មវិធីចាក់បញ្ចាំងភាពយន្តឯកសាររបស់នាង នៅទីក្រុង Los Angeles នៅល្ងាចថ្ងៃទី ២០ ខែមករា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កូនប្រុសស្រី ទាំងពីររបស់ Paris Hilton គឺ London និង Phoenix បានស្លៀកពាក់ឈុតខោអាវដូចគ្នា ប៉ុន្តែមានប៉ាក់ឈ្មោះរបស់ពួកគេ។ កូនស្រីរបស់ Paris Hilton បានស្លៀកសំពត់ពណ៌ផ្កាឈូក ខណៈពេលដែល Phoenix បានស្លៀកខោខូវប៊យពណ៌ខ្មៅ។ អ្នកទាំងពីរបានពាក់វ៉ែនតា ស្របតាមស្ទីលរបស់ម្តាយ របស់ពួកគេ។ 

ស្វាមីរបស់ Paris Hilton ដែលជាសហគ្រិនបច្ចេកវិទ្យា លោក Carter Reum និងកូនៗរបស់ពួកគេ បានមកគាំទ្រនាង នៅឯកម្មវិធីចាក់បញ្ចាំងភាពយន្តឯកសាររបស់នាង «Infinite Icon: A Visual Memoir»។ គួររំឭកផងដែរថា Carter និង Paris បានរៀបការនៅឆ្នាំ ២០២១ ហើយបានស្វាគមន៍កូនពីរនាក់របស់ពួកគេនៅខែមករា និងខែវិច្ឆិកា ឆ្នាំ ២០២៣ តាមរយៈការសម្រាលកូនជំនួស។

ដោយឡែក ការបង្ហាញខ្លួនលើកនេះ Paris Hilton មើលទៅ មានភាពស្រស់ស្អាត ក្នុងរ៉ូបពណ៌ផ្កាឈូក។ ជាពិសេស រូបនាងនៅ​តែ​រក្សា​បាន​នូវ​ស្ទីល​បែប​ម្ចាស់ក្សត្រី​របស់​ខ្លួន ​អស់​រយៈពេល​ជាច្រើន​ឆ្នាំ។ យ៉ាងណាមិញ ក្នុង​វ័យ ៤៤ ឆ្នាំ នាង​ត្រូវ​បាន​គេ​សរសើរ​ចំពោះ​ការ​រក្សា​រូបរាង​ក្មេង​ជាង​វ័យ និង​ទាក់ទាញ​របស់​នាង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ