ស្ងាត់ៗ Ramos ជិតទិញបានក្លិបបាល់ទាត់ នៅ La Liga មួយនេះហើយ

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថាខ្សែការពារ Sergio Ramos បានឈានដល់កិច្ចព្រមព្រៀងជាមួយម្ចាស់ភាគហ៊ុនធំ ក្នុងការទិញយកក្លិប Sevilla ហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អតីតប្រធានក្រុម Sevilla រូបនេះ បានសម្រេចថានឹងទិញយកក្លិបនេះ ប៉ុន្តែកំពុងស្ថិតក្នុងដំណាក់កាលអង្កេតក្លិបខណៈដែលគេស្មានបានថា Ramos ចាយប្រាក់ជាង៤៥០លានអឺរ៉ូ (ប្រមាណជា ៥៣៤លានដុល្លារ)។

គួរបញ្ជាក់ផងដែរថា Sergio Ramos ធ្លាប់លេងនៅ Sevilla នាអំឡុងឆ្នាំ២០០៣ ដល់២០០៥ មុននឹងផ្លាស់ទៅ Real Madrid និង PSG រហូតដល់រដូវកាល ២០២៣/២០២៤ ទើប Ramos ត្រឡប់ទៅលេងវិញ៕