Kylie និង គូស្នេហ៍ ចេញមកកម្សាន្ត ជាមួយគ្នា យ៉ាងមានក្ដីសុខ

កម្សាន្ត៖ មហាសេដ្ឋីនីវ័យក្មេង Kylie Jenner និង គូស្នេហ៍ ដែលជាតារាសម្តែង លោក Timothée Chalamet បានជិះយន្តហោះឯកជនទៅកាន់ទីក្រុងមាត់សមុទ្រ Cabo San Lucas ប្រទេសម៉ិកស៊ិក សម្រាប់វិស្សមកាល កាលពីសប្តាហ៍មុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គូស្នេហ៍មួយគូនេះ ត្រូវបានគេប្រទះឃើញកាន់ដៃគ្នាឡើងយន្តហោះឯកជនមួយគ្រឿងនៅទីក្រុង Los Angeles សហរដ្ឋអាមេរិក នៅថ្ងៃទី ២១ ខែមករា។ នៅថ្ងៃបន្ទាប់ ពួកគេត្រូវបានគេថតរូប ពេលកំពុងរីករាយជាមួយអាហារពេលល្ងាចដ៏រ៉ូមែនទិក នៅភោជនីយដ្ឋានមួយកន្លែង ក្នុងទីក្រុង Cabo San Lucas។ អ្នកទាំងពីរ បានតុបតែងខ្លួនដោយស្លៀកពាក់ធម្មតា និងមានផាសុកភាព។

ប្រភពមួយដែលជិតស្និទ្ធនឹងគូស្នេហ៍មួយគូនេះ បាននិយាយថា Timothée Chalamet មើលទៅមានសុភមង្គលជាមួយនឹង Kylie Jenner។ តារាសម្តែងប្រុសរូបនេះរូបនេះ ក៏បានថតរូបមិត្តស្រីរបស់ខ្លួន ពេញមួយពេលអាហារពេលល្ងាច ដែលមានរយៈពេលជាងមួយម៉ោង។

គួររំឭកផងដែរថា Timothée និង Kylie បានធ្វើដំណើរកម្សាន្ត បន្ទាប់ពី បានចូលរួមពានរង្វាន់ហូលីវូដជាបន្តបន្ទាប់ជាមួយគ្នា រួមទាំងពិធីបុណ្យភាពយន្តអន្តរជាតិ Palm Springs, ពានរង្វាន់ Critics' Choice Awards និងពានរង្វាន់ Golden Globes។ នៅក្នុងពិធីប្រគល់រង្វាន់ឆ្នាំនេះ គូស្នេហ៍មួយគូនេះ មិនត្រឹមតែបានបង្ហាញខ្លួនជាមួយគ្នាប៉ុណ្ណោះទេ ប៉ុន្តែថែមទាំងបានបង្ហាញសេចក្តីស្រឡាញ់របស់ពួកគេចំពោះគ្នាទៅវិញទៅមក ជាសាធារណៈជាលើកដំបូងផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ