ភរិយា David Beckham ចូលរួមកម្មវិធីមួយនេះ ខណៈ កំពុងមានរឿង ក្នុងគ្រួសារ

កម្សាន្ត៖ ភរិយាអតីតកីឡាករបាល់ទាត់ លោក David Beckham គឺ Victoria Beckham បានចំណាយពេលចុងសប្តាហ៍ ចូលរួមពិធីជប់លៀងខួបកំណើតគម្រប់ ៥០ ឆ្នាំរបស់ Emma Bunton ដោយជួបជុំជាមួយសមាជិកក្រុម Spice Girls ឡើងវិញ ខណៈកំពុងមានរឿងជម្លោះក្នុងគ្រួសារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភព Daily Mail បានឲ្យដឹងថា ពិធីជប់លៀងរបស់ Emma Bunton បានធ្វើឡើងនៅល្ងាចថ្ងៃទី ២៤ ខែមករា នៅរមណីយដ្ឋានមួយកន្លែង ក្នុង Oxfordshire ប្រទេសអង់គ្លេស។ Victoria បានចូលរួមជាមួយស្វាមីរបស់នាង គឺអតីតកីឡាករបាល់ទាត់ លោក David Beckham។ សមាជិកក្រុម Spice Girls ផ្សេងទៀតដែលមានវត្តមាន រួមមាន Geri Horner និង Mel C ខណៈដែល Mel B មិនបានចូលរួមនោះទេ។

យោងតាម ប្រភពព័ត៌មាន ព្រឹត្តិការណ៍នេះ មិនត្រឹមតែជាការអបអរសាទរខួបកំណើតរបស់ Emma ដែលមានឈ្មោះហៅក្រៅថា Baby Spice ប៉ុណ្ណោះទេ ប៉ុន្តែវាក៏ជាការបង្ហាញការគាំទ្រដល់ Victoria ក្នុងអំឡុងពេលដ៏លំបាកនេះ ផងដែរ។

នៅថ្ងៃបន្ទាប់ Victoria បានបង្ហោះរូបថតរបស់នាងជាមួយ Emma, ​​​​Mel C និង Geri នៅលើ Instagram ជាមួយនឹងចំណងជើងថា «រីករាយថ្ងៃកំណើតដល់មិត្តដ៏ស្រស់ស្អាតបំផុត។ ខ្ញុំស្រឡាញ់មនុស្សស្រីរបស់ខ្ញុំខ្លាំងណាស់»។ រូបថតនេះ ត្រូវបានចែករំលែកយ៉ាងឆាប់រហ័សដោយសមាជិកម្នាក់ៗ ដែលបង្ហាញពីចំណងមិត្តភាពដ៏រឹងមាំរបស់ក្រុមមួយនេះ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ