កូនប្រុស David Beckham និង ភរិយា បង្ហាញភាពផ្អែមល្ហែម ខណៈ គ្រួសារ ចូលរួមកម្មវិធីមួយនេះ

កម្សាន្ត៖ Brooklyn Beckham បានបង្ហោះវីដេអូវិស្សមកាលរបស់ខ្លួន ជាមួយនឹងភរិយា ខណៈពេលដែលក្រុមគ្រួសារទាំងមូល បានចូលរួមក្នុងពិធីប្រគល់រង្វាន់របស់ម្ដាយ ដែលជាតារាស្រី និងជាអ្នករចនាម៉ូត Victoria Beckham នៅទីក្រុងប៉ារីស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងវីដេអូ TikTok នៅល្ងាចថ្ងៃទី ២៦ ខែមករា Brooklyn បានបង្ហាញពេលវេលាដ៏ផ្អែមល្ហែមរបស់ខ្លួន ក្នុងអំឡុងពេលវិស្សមកាលរបស់ពួកគេនៅ Malibu រួមទាំងអាហារពេលល្ងាច និងពិធីជប់លៀងស្រាសំប៉ាញ ជាមួយឆ្កែចិញ្ចឹមរបស់ពួកគេ។ Brooklyn និង Nicola Peltz មើលទៅមានភាពរីករាយ និង តែងតែឱបថើបគ្នា ពោរពេញដោយក្ដីស្រលាញ់។ មិនត្រឹមតែប៉ុណ្ណោះ Brooklyn ក៏បានសរសេរថា៖ «ខ្ញុំស្រឡាញ់អ្នក Nicola Anne Peltz Beckham»។

វីដេអូនេះត្រូវបានបង្ហោះ ត្រឹមតែប៉ុន្មានម៉ោងបន្ទាប់ពី David Beckham និងកូនៗរបស់លោក Romeo, Cruz និង Harper បានមកដល់ទីក្រុងប៉ារីស ដើម្បីអបអរសាទរ Victoria ដែលទទួលបានពានរង្វាន់ Knight of Arts and Letters របស់បារាំង៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ