កូនស្រី David Beckham បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ Harper Beckham ដែលជាកូនស្រីជំទង់របស់ អតីតកីឡាករបាល់ទាត់ លោក David Beckham បានតុបតែងខ្លួន ដោយស្លៀកពាក់អាវរោមសត្វ និងកាន់កាបូបម៉ាកប្រណីត ខណៈពេលដែលនៅទីក្រុងប៉ារីស សម្រាប់ Haute Couture Fashion Week។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភព Page Six បានឲ្យដឹងថា Harper Beckham បានបង្ហាញខ្លួន ប្រៀបដូចជាអ្នកចូលចិត្តម៉ូដ នៅថ្ងៃទីពីរនៃព្រឹត្តិការណ៍ គឺនៅថ្ងៃទី ២៧ ខែមករា កន្លងទៅនេះ។ នាងបានជ្រើសរើសអាវរោមសត្វពណ៌ខៀវ និងខោខូវប៊យពណ៌ខ្មៅ រួមជាមួយនឹងស្បែកជើងកវែងពណ៌ខ្មៅ និងកាបូប Chanel ។ 

Harper បានលេងម៉ូតសក់ពណ៌ទង់ដែងរបស់នាង ដោយទម្លាក់ចុះបែបធម្មជាតិ និងបង្ហាញពីទំនុកចិត្ត នៅពេលដែលនាងចាកចេញពីសណ្ឋាគារជាមួយឪពុកម្តាយរបស់នាង ដែលជាអតីតកីឡាករបាល់ទាត់ David Beckham និងអ្នករចនាម៉ូត Victoria Beckham។ 

គួរបញ្ជាក់ផងដែរថា ក្រុមគ្រួសារ Beckham នៅទីក្រុងប៉ារីស ដើម្បីចូលរួម Fashion Week និងដើម្បីគាំទ្រ Victoria ។ នៅក្នុងពិធីនៅថ្ងៃទី ២៦ ខែមករា Harper បានស្លៀករ៉ូបពណ៌ខ្មៅដ៏ឆើតឆាយ រួមជាមួយនឹងក្រមា និងកាបូបដៃតូចមួយដែលត្រូវគ្នា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ