កើតទុក្ខមិនសុខចិត្ត! តារាឆ្នើម Barca រូបនេះថា រូបគេគួរតែបានឈ្នះពានបាល់មាស Ballon d'Or

កីឡា៖ ខ្សែប្រយុទ្ធ Raphinha នៃក្រុម Barcelona បាននិយាយថារូបគេសមនឹងក្លាយជាម្ចាស់ពានបាល់មាស Ballon d'Or ជាង Ousmane Dembele បន្ទាប់ពីមើលឃើញស្ថិតិរួចរាល់ហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ កាលពីរដូវកាល ២០២៤/២០២៥  Ousmane Dembele ដែលជាកីឡាកររបស់ Paris Saint-Germain ស្រវាបានពានបាល់មាស Ballon d'Or បន្ទាប់ពីបានជួយ PSG ឲ្យលើកពាន Champions League ដោយស៊ុតបញ្ចូលទីបាន ៣៥គ្រាប់ និងបញ្ជូនបាល់១៦ប្រកួត ក្នុងការបង្ហាញខ្លួនចំនួន៥៦ប្រកួតនារដូវកាលមុន និងជាកីឡាករស៊ុតបញ្ចូលទីបានច្រើនជាងគេនៅ Ligue 1 ផងដែរ។

យ៉ាងណាមិញ Raphinha ឯណោះទោះមិនបានជួយឲ្យ Barcelona លើកពាន Champions League តែរូបគេរកបាន ៣៤ គ្រាប់និងបញ្ជូនបាល់ ២៦គ្រាប់ ក្នុងការបង្ហាញខ្លួន ៥៧ប្រកួត ដោយក្នុងនោះគេបានជួយឲ្យ Barcelona លើកពាន LaLiga, Copa Del Rey, និង Supercopa de España តែគេបានត្រឹមជាប់ចំណាត់ថ្នាក់លេខ៥ប៉ុណ្ណោះ។

Raphinha បានបង្ហាញអារម្មណ៍របស់គេ ក្នុងកិច្ចសម្ភាសន៍ជាមួយ Safascore ថា៖

"ខ្ញុំគិតថាខ្ញុំគួរតែបានជាប់ចំណាត់ថ្នាក់លេខ១ សម្រាប់ពាន Ballon d'Or... បើផ្អែកលើតួលេខដែលខ្ញុំបានធ្វើ។ វាមើលទៅដូចជាពានរង្វាន់ទោលដែលផ្ដោតតែលើពានរង្វាន់ទោល (UCL) ប៉ុណ្ណោះ ហើយ Dembele សមនឹងឈ្នះវាដែរ តែបើសិនយើងគិតទៅលើការលេងពេញមួយរដូវកាលតែម្ដង ខ្ញុំគិតថាខ្ញុំសមនឹងឈ្នះ។"

ប្រភព៖: sportskeeda