ចៀវៃ និង ស្វាមី បង្ហាញភាពផ្អែមល្ហែម ពេល រៀបចំ ខួបកំណើត

កម្សាន្ត៖ តារាសម្ដែងស្រី Ruby Lin និង ស្វាមីរបស់នាង គឺតារាសម្ដែង Wallace Huo បានច្រៀងចម្រៀងជាគូ នៅថ្ងៃខួបកំណើតរបស់តារាសម្ដែងស្រីរូបនេះ កាលពីថ្ងៃទី ២៧ ខែមករា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាសម្ដែងប្រុស លោក Wallace Huo បានបង្ហាញខ្លួននៅក្នុងពិធីជប់លៀងនេះ ក្នុងស្ទាយ៍បែបធម្មតា និងសាមញ្ញរបស់លោក។ ជាពិសេស មិនត្រឹមតែ បានច្រៀងបទចម្រៀងដែលធ្លាប់ស្គាល់ ជាមួយប្រពន្ធរបស់ខ្លួនតែប៉ុណ្ណោះទេ ប៉ុន្តែលោកក៏បានរើសស្បែកជើងរបស់នាងដោយគិតគូរ ហើយខ្សឹបប្រាប់ពាក្យផ្អែមល្ហែមទៅកាន់នាង ផងដែរ។

យោងតាម ប្រភព Sinchew បានឲ្យដឹងថា តារាស្រី Ruby Lin បានជ្រើសរើស Hikari Bar ក្នុងទីក្រុងតៃប៉ិ ដែលជាទីកន្លែងសម្រាប់ពិធីជប់លៀង។ តារាស្រីរូបនេះ បានតុបតែងខ្លួន ដោយបានស្លៀករ៉ូបជាមួយនឹងការលេងស្ទាយ៍សក់រលក បង្ហាញស្បែកភ្លឺថ្លា និងរាងស្លីមរបស់នាង ដែលទទួលបានការសរសើរ ថាមើលទៅ នាងដូចជាទើបតែមានអាយុ ៣០ ឆ្នាំដើម ។

នៅក្នុងការបង្ហោះមួយនៅលើ Weibo តារាស្រី Ruby Lin បានសរសេរថា «ពាក់កណ្តាលទីពីរនៃជីវិត គួរតែត្រូវបានរស់នៅយ៉ាងអស្ចារ្យ និងស្រស់ស្អាត។ អាយុគ្រាន់តែជាតួលេខប៉ុណ្ណោះ។ អ្វីដែលសំខាន់ពិតប្រាកដ គឺផ្នត់គំនិតពេញមួយដំណើរជីវិត»៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន