លោក Jose Mourinha ឌឺទៅកីឡាករ R.Madrid ម្នាក់នេះ ថាសំណាងហើយ ក្រុមខ្លួនចាញ់ក្រុមគាត់តែ២គ្រាប់នោះ

កីឡា៖ កាលពីយប់ថ្ងៃទី ២៩ ខែមករា ឆ្នាំ២០២៦ កន្លងទៅនេះ ក្រុមអធិរាជស Real Madrid ដែលជាម្ចាស់ពានរង្វាន់ Champions League ដល់ទៅ១៥ដង បានប្រកួតចាញ់ក្រុម Benfica ៤ ទល់នឹង២ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះលោក Jose Mourinho ដែលជាគ្រូបង្វឹក Benfica បានប្រាប់ទៅកីឡាករ Dean Huijsen ដែលធ្លាប់ជាកូនក្រុមរបស់លោកកាលគេលេងនៅ Roma ថាក្រុមគេសំណាងហើយ ដែលចាញ់ក្រុមលោកតែ២គ្រាប់នោះ។

ពិតណាស់ បរាជ័យនេះបានធ្វើឲ្យ Real Madrid បរាជ័យក្នុងការឡើងទៅវគ្គ១៦ក្រុមដោយស្វ័យប្រវត្ត ដោយនៅត្រូវលេងវគ្គ Play-Off មួយទៀតសិន។

ក្រោយចប់ការប្រកួត លោក Jose Mourinho បានសម្ដែងទឹកមុខដ៏ត្រេកអរ ហើយបានផ្ដល់បទសម្ភាសន៍ថាលោកបានប្រាប់ទៅ Huijsen ថា៖

" Dean ធ្លាប់ជាកីឡាកររបស់ខ្ញុំកាលនៅ Roma ហើយគេជាមិត្តរបស់កូនៗរបស់ខ្ញុំ។ ពួកយើងមានទំនាក់ទំនងល្អខ្លាំងណាស់...ពួកយើងបាននិយាយពីការប្រកួត។ គេមិនសប្បាយចិត្តទេ ប៉ុន្តែខ្ញុំបានប្រាប់គេថា អ្នកពិតជាសំណាងណាស់ដែលចាញ់តែ២គ្រាប់នោះ ព្រោះក្រុមខ្ញុំអាចស៊ុតបានច្រើនជាងនេះផង។"

ប្រភព៖: sportskeeda