Brad Pitt និង គូស្នេហ៍ បង្ហាញក្ដីសុខ ខណៈកំពុងរៀបចំ ផ្ទះថ្មី

កម្សាន្ត៖ តារាសម្ដែងប្រុស លោក Brad Pitt ត្រូវបានគេរាយការណ៍ថា កំពុងផ្លាស់ប្តូរវិមានតម្លៃ ១២ លានដុល្លាររបស់ខ្លួន ទៅជាកន្លែងរស់នៅបែបរមណីយដ្ឋានសម្រាប់ខ្លួនលោក និងមិត្តស្រី គឺ Ines de Ramon។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភព Daily Mail បានឲ្យដឹងថា Brad Pitt កំពុងជួសជុលទីធ្លានៃវិមានដែលមានរចនាប័ទ្មអេស្ប៉ាញ ដែលលោកទើបនឹងទិញថ្មី នៅ Hollywood Hills, ទីក្រុង Los Angeles។ តារាសម្តែងប្រុសរូបនេះ បានរៀបចំជំនួសដើមឈើទាបៗមួយចំនួន នៅជុំវិញអាងហែលទឹក ជាមួយនឹងដើមត្នោតខ្ពស់ៗ ដែលបង្កើនភាពឯកជន និងបង្កើតអារម្មណ៍បែបរមណីយដ្ឋានដ៏ប្រណីត។

តារាសម្តែងប្រុសរូបនេះ ក៏កំពុងធ្វើទីធ្លាខាងក្រោយ ជាមួយនឹងគ្រឿងសង្ហារឹមក្រៅផ្ទះទំនើបៗ ឲ្យប្រសើរឡើង រួមទាំង កន្លែងបរិភោគអាហារក្បែរអាងហែលទឹក ​។

គួររំឭកផងដែរថា Brad Pitt បានទិញវិមាននេះ ក្នុងខែសីហា ឆ្នាំ ២០២៥ ពីអ្នកលេងហ្គីតា Dave Keuning នៃក្រុម The Killers និងភរិយារបស់លោក គឺអ្នករចនាផ្នែកខាងក្នុង Emilie Keuning។ កាលពីមុន Brad Pitt រស់នៅក្នុងវិមានតម្លៃ ៥.៥ លានដុល្លារនៅ Los Feliz ប៉ុន្តែបានលក់វាកាលពីឆ្នាំមុន បន្ទាប់ពីវាត្រូវបានចោរលួចចូល។

យោងតាម ប្រភព People បានរាយការណ៍ថា Brad Pitt និង Ines បានផ្លាស់ទៅរស់នៅក្នុងវិមានថ្មីរបស់ពួកគេ ក្នុងខែតុលា ឆ្នាំ២០២៥ ហើយពួកគេកំពុងបញ្ចប់ការរៀបចំកន្លែងរស់នៅរបស់ពួកគេ ដោយ «ប្រែក្លាយផ្ទះនេះទៅជាផ្ទះពិត»។គូស្នេហ៍ តារាហូលីវូដ និងអ្នករចនាគ្រឿងអលង្ការរូបនេះ ត្រូវបានគេនិយាយថា មានភាពរីករាយនឹងជីវិតឯកជន និងមានភាពស្ងប់សុខនៅផ្ទះ។

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ