កូនប្រុស David Beckham និង ភរិយា ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ កូនប្រុស អតីតកីឡាករបាល់ទាត់ លោក David Beckham គឺលោក Brooklyn Beckham និងភរិយា Nicola Peltz បានបង្ហាញខ្លួនយ៉ាងស្រស់ស្អាត នៅ Beverly Hills ក្នុងអំឡុងពេលវិស្សមកាលខ្លីមួយ ដោយបង្ហាញពីចំណងស្នេហ៍ជិតស្និទ្ធរបស់ពួកគេ បន្ទាប់ពី មានជម្លោះក្នុងគ្រួសារថ្មីៗនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅល្ងាចថ្ងៃទី ២៩ ខែមករា កន្លងទៅនេះ Brooklyn Beckham និងភរិយារបស់ខ្លួន គឺ Nicola Peltz ត្រូវបានគេប្រទះឃើញ កំពុងញ៉ាំអាហារពេលល្ងាច នៅភោជនីយដ្ឋានមួយកន្លែង ក្នុង Beverly Hills។ ពួកគេទាំងពីរ បានកាន់ដៃគ្នា និងបង្ហាញស្នាមញញឹមជាបន្តបន្ទាប់ នៅចំពោះមុខកាមេរ៉ា ដោយមើលទៅហាក់ដូចជា មានភាពរីករាយក្នុងការបង្ហាញខ្លួនជាសាធារណៈដ៏កម្រមួយនេះ។

Brooklyn បានជ្រើសរើសស្ទីលធម្មតាជាមួយនឹងអាវពណ៌ស ខោខូវប៊យ និងអាវពណ៌ត្នោតខ្ចី ខណៈ Nicola Peltz បានបង្ហាញស្ទាយ៍ជាមួយនឹងអាវពណ៌ខ្មៅ ខោខូវប៊យពណ៌ខៀវចាស់ និងស្បែកជើងកវែងខ្ពស់ ដែលបង្កើតបានជារូបរាងទំនើប និងទាន់សម័យ។

ដំណើរកម្សាន្តនេះ បានធ្វើឡើងបន្ទាប់ពីវិស្សមកាល នៅរមណីយដ្ឋាន San Ysidro Ranch ដ៏ប្រណីតក្នុង Montecito ។ នៅលើប្រព័ន្ធផ្សព្វផ្សាយសង្គម Brooklyn និង Nicola តែងតែចែករំលែករូបថតប្រចាំថ្ងៃ ចាប់ពីអាហារពេលល្ងាចរ៉ូមែនទិករហូតដល់វិស្សមកាលឯកជន ដោយបង្ហាញពីចំណងស្នេហ៍យ៉ាងជិតស្និទ្ធ របស់ពួកគេ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ