អបអរឆ្នាំមមី និងទទួលយកលាភសំណាងនៅណាហ្គាវើលដ៍

រាជធានីភ្នំពេញ ថ្ងៃទី៤ ខែកុម្ភៈ ឆ្នាំ២០២៦ ៖ ក្នុងឱកាសអបអរបុណ្យចូលឆ្នាំថ្មីប្រពៃណីចិនឆ្នាំមមី ណាហ្គាវើលដ៍នឹងមានការផ្តល់ជូនដ៏អស្ចារ្យជាច្រើនជាងមួយខែចាប់ពីថ្ងៃទី៣ ខែកុម្ភៈ រហូតដល់ថ្ងៃទី៣ ខែមីនា ឆ្នាំ២០២៦ ដែលមានម្ហូបចិននាំលាភ ការសម្តែងសិល្បៈ សេវាកម្មស្ប៉ា និងការតុបតែងលម្អយ៉ាងប្រណីត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភោជនីយដ្ឋានចិនឈ្នះពានរង្វាន់ Hall of Golden Chimes និង Fortune Palace មានម្ហូបឈុត និងម្ហូបដាច់ដោយឡែករូបមន្តថ្មីៗជាច្រើនជម្រើស។ នៅភោជនីយដ្ឋាន Hall of Golden Chimes មានកូនជ្រូកខ្វៃ អយស្ទ័រខជាមួយសារាយសមុទ្រ ថ្លើមក្ងានឆា និងប្រហិតសាច់បង្គា។ ម្ហូបដាច់ដោយឡែក មានតម្លៃចាប់ពី ១៩២.០០០៛ អមជាមួយម្ហូបឈុតបែបប្រណីតពីរមុខដែលមានតម្លៃ ២.១១២.០០០៛ និង ៣.៥៥២.០០០៛ សម្រាប់ ១០ នាក់ ឬ ២១១.២០០៛ និង ៣៥៥.២០០៛ ក្នុងម្នាក់សម្រាប់មួយក្រុមដែលមានយ៉ាងតិច ៥ នាក់។ សម្រាប់អ្នកដែលចង់សាកល្បងម្ហូបបែបប្រពៃណី អាចជ្រើសរើសម្ហូបមហាសម្បត្តិដែលមានគ្រឿងសមុទ្រពិសេសបូករួមនឹងសាច់ខ្វៃជាច្រើនប្រភេទដែលមានតម្លៃចាប់ពី ៥៥២.០០០៛ សម្រាប់ ១០ នាក់។

ចំណែកភោជនីយដ្ឋានចិន Fortune Palace មានមុខម្ហូបចិនបែបម៉ាឡេស៊ីរួមមាន ប៉ាវហ៊ឺអាហ្វ្រិកខាងត្បូងខជាមួយជើងក្ងាន ទាខ្វៃពិសេស និងបង្គាឆាជាមួយទឹកជ្រលក់ពងទាប្រៃ។ ម្ហូបដាច់ដោយឡែក មានតម្លៃចាប់ពី ៦៤.០០០៛ រួមជាមួយម្ហូបឈុតប្រណីតដែលមានតម្លៃ ១.៥៥២.០០០៛ និង ៣.៤៣២.០០០៛ សម្រាប់ ១០ នាក់ ឬតម្លៃ ១៥៦.០០០៛ និង ៣៥២.០០០៛ ក្នុងម្នាក់សម្រាប់ក្រុមដែលមានយ៉ាងតិច ៥ នាក់។ ភោជនីយដ្ឋានទាំងពីរក៏មានបម្រើជូននូវម្ហូបអ៊ីសាងផងដែរដែលម្ហូបនេះតំណាងឱ្យលាភសំណាង និងភាពសម្បូររុងរឿង។ គ្រឿងផ្សំនៃម្ហូបអ៊ីសាងមានដូចជា បង្កងអូស្ត្រាលី ត្រីសាលម៉ុន ត្រីធូណា និងគ្រឿងផ្សំជាច្រើនទៀត តម្លៃចាប់ពី ១១២.០០០៛ ប៉ុណ្ណោះ។ សូមទូរសព្ទទៅកាន់លេខ +៨៥៥ ២៣២៦ ៣០៣១ ឬអ៊ីម៉ែល [email protected] ដើម្បីកក់ទុកជាមុន។

ឆ្នាំនេះ ណាហ្គាវើលដ៍សូមបង្ហាញជូននំស្រួយប្រពៃណីចិន ៦ ប្រភេទដូចជា នំតាតរសជាតិម្នាស់ នំស្រួយរសជាតិសណ្តែកដី នំស្រួយរសជាតិគ្រាប់ស្វាយចន្ទី នំស្រួយរសជាតិសណ្តែកខៀវ នំសារាយសមុទ្ររសជាតិប្រាំពីរបែប និងនំរសជាតិកំពឹសក្រៀមហឹរដែលត្រូវបានដាក់ក្នុងប្រអប់មានបីពណ៌យ៉ាងស្រស់ស្អាត។ សម្រាប់អតិថិជនដែលមានបំណងជូនកាដូដល់ក្រុមគ្រួសារ មិត្តភក្តិ ដៃគូពាណិជ្ជកម្ម ឬមិត្តរួមការងារ អាចជ្រើសរើសនំនាំលាភប្រចាំហាងដែលមានដាក់ក្នុងប្រអប់យ៉ាងប្រណីតដែលមានលក់នៅកន្លែងទទួលភ្ញៀវ និងទីតាំងជាច្រើនទៀតនៅក្នុងសណ្ឋាគារ។

អ្វីដែលមិនធ្លាប់មានសម្រាប់ឆ្នាំនេះ គឺណាហ្គាវើលដ៍មានលក់តុក្កតារូបកូនសេះអាថ៌កំបាំងនាំសំណាងដែលមានតម្លៃ ១០០.០០០៛ និងបន្តោងកាបូបរូបកូនសេះ តម្លៃ ៤៨.០០០៛ ។ តុក្កតារូបកូនសេះនាំសំណាងទាំងបីពណ៌នេះតំណាងឱ្យទ្រព្យសម្បត្តិហូរចូលហូរហៀរ សំណាងល្អ និងការសម្រេចបាននូវគ្រប់បំណងប្រាថ្នា។ ក្រៅពីនេះ ណាហ្គាវើលដ៍ក៏មានឈុតអក្សរចិននាំសំណាងឥតគិតថ្លៃសម្រាប់ផ្តល់ជូនដល់សមាជិកផងដែរ ឬអតិថិជនទូទៅត្រូវចំណាយយ៉ាងតិច ២០០.០០០៛ នៅភោជនីយដ្ឋានមួយចំនួន ឬមណ្ឌលស្ប៉ាដើម្បីទទួលបានឈុតអក្សរចិននាំសំណាង។

ចំណែកអតិថិជនដែលមានបំណងចង់ទទួលសេវាកម្មស្ប៉ា អាចរីករាយជាមួយកញ្ចប់ប្រូម៉ូសិនបែបអាស៊ីបូព៌ាដែលមានសេវាកម្មស្អំក្តៅបែបបុរាណ និងម៉ាស្សាបែបចិនរយៈពេល ២ ម៉ោងដែលមានតម្លៃ ៣៩២.០០០៛ ដែលនឹងផ្តល់នូវអារម្មណ៍ស្រស់ស្រាយ និងសេចក្តីសុខពេញរាងកាយសម្រាប់ទទួលស្វាគមន៍ឆ្នាំថ្មី។ 

ដោយឡែកចាប់ពីថ្ងៃទី៦ ខែកុម្ភៈរហូតដល់ថ្ងៃទី១ ខែមីនា ណាហ្គាវើលដ៍នឹងមានផ្តល់ជូនការសម្តែងសិល្បៈចុងសប្តាហ៍អមជាមួយការសម្តែងពិណបុរាណចិននៅឆាកជាន់ផ្ទាល់ដីនៅណាហ្គាវើលដ៍ទី១ និងណាហ្គាវើលដ៍ទី២ វេលាម៉ោង ៧:៣០ នាទីយប់រួមជាមួយការសម្តែងរបស់តុក្កតាម៉ាស្កុតផងដែរ។ អ្វីដែលអស្ចារ្យផងនោះ គឺណាហ្គាវើលដ៍មានការតុបតែងយ៉ាងប្រណីតទាំងក្នុងអគារណាហ្គាវើលដ៍ទី១ និងណាហ្គាវើលដ៍ទី២ និងក្រៅអគារនៅសួនច្បារសម្តេចតេជោ ហ៊ុន សែន ដែលមានរូបសំណាកសត្វសេះ និងពន្លឺភ្លើងដ៏ភ្លឺចែងចាំងដែលភ្ញៀវទេសចរជាតិ និងអន្តរជាតិអាចមកកម្សាន្ត និងផ្តិតយករូបភាពយ៉ាងស្រស់ស្អាត។

សូមអញ្ជើញពុកម៉ែបងប្អូនទាំងអស់អបអរបុណ្យចូលឆ្នាំថ្មីប្រពៃណីចិនឆ្នាំមមី និងរីករាយជាមួយការទទួលទានម្ហូបនាំលាភ និងការផ្តល់ជូនដ៏ច្រើននៅណាហ្គាវើលដ៍។ សម្រាប់ព័ត៌មានបន្ថែម សូមចូលទៅកាន់ www.nagaworld.com ឬតាមដានទំព័រហ្វេសប៊ុក ឬអ៊ីនស្តាក្រាមរបស់ណាហ្គាវើលដ៍ ។

*****

អំពីណាហ្គាវើលដ៍

ជាមួយការពង្រីកបន្ថែមថ្មីចុងក្រោយ ណាហ្គាវើលដ៍ មានបន្ទប់ប្រភេទ Suite និង Deluxe ១.៦៥៨ បន្ទប់ ភោជនីយដ្ឋាន បានីយដ្ឋាន និងក្លឹបកម្សាន្តជាង ២០ កន្លែង មណ្ឌលស្ប៉ាប្រណីត ២ សាលមហោស្រព NABA ដែលមាន ២.០០០ កៅអីនៅណាហ្គាវើលដ៍ទី២  ផ្សារទំនិញរួចពន្ធប្រតិបត្តិការដោយក្រុមហ៊ុន China Duty Free Group ដែលជាផ្សារទំនើបក្រោមដីទីមួយក្នុងប្រទេសកម្ពុជាដែលមានលក់ទំនិញម៉ាកអន្តរជាតិល្បីៗ សេវាកម្សាន្តដ៏សម្បូរបែបព្រមទាំងសាលសម្រាប់រៀបចំការប្រជុំ និងកម្មវិធីឈានមុខគេ។

សម្រាប់សំណួរអំពីការផ្សព្វផ្សាយ ឬរូបភាព សូមទាក់ទងទៅកាន់ ៖ [email protected]