Miranda Kerr បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ អតីតតារាម៉ូដែលស្រី Miranda Kerr បានធ្វើឲ្យមានការចាប់អារម្មណ៍យ៉ាងខ្លាំង ជាមួយនឹងសម្រស់វ័យក្មេង និងរាងស្លីមរបស់នាង ក្នុងអំឡុងពេលធ្វើដំណើរអាជីវកម្ម ទៅកាន់ទីក្រុងញូវយ៉ក នៅថ្ងៃទី ១ ខែកុម្ភៈ កន្លងទៅនេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាស្រី Miranda Kerr ត្រូវបានគេថតរូប បង្ហាញស្នាមញញឹមយ៉ាងស្រស់ស្រាយ និងគ្រវីដៃទៅកាន់អ្នកគាំទ្រ នៅពេលនាងចាកចេញពីអគារមួយ។ ទោះបីជា អាកាសធាតុត្រជាក់ក៏ដោយ ក៏នាងនៅតែរក្សារូបរាងដ៏ឆើតឆាយ និងទាន់សម័យ។ អតីតតារាម៉ូដែលស្រីរូបនេះ បានតុបតែងខ្លួន ដោយពាក់អាវក្រៅ រួមជាមួយនឹងអាវខ្លីពណ៌ផ្កាឈូក និងខោចង្កេះខ្ពស់ រួមជាមួយនឹងស្បែកជើងកែងខ្ពស់ ខណៈដែលគ្រឿងបន្ថែមរួមមាន វ៉ែនតា និងកាបូបដៃពណ៌ខ្មៅ។ អ្នកម្តាយកូនបួននាក់រូបនេះ ត្រូវបានគេសរសើរចំពោះអាកប្បកិរិយា និងរូបរាងដ៏ទាក់ទាញរបស់នាង។ 

បើទោះបីជាបានចាកចេញពីកម្មវិធីដើរម៉ូដ កាលពីច្រើនឆ្នាំមុន ដើម្បីផ្តោតលើអាជីវកម្មគ្រឿងសំអាង និងគ្រួសាររបស់នាងក៏ដោយ ក៏ Miranda Kerr នៅតែរក្សាតំណែងរបស់នាង ជាស្រីស្អាតលេចធ្លោបំផុតម្នាក់នៅក្នុងឧស្សាហកម្មកម្សាន្ត។ តារាស្រីរូបនេះ នៅតែរក្សាសម្រស់វ័យក្មេងរបស់នាង តាមរយៈរបៀបរស់នៅដែលមានសុខភាពល្អ ដោយផ្តល់អាទិភាពដល់អាហារសរីរាង្គ សមាធិ និងការអនុវត្តយូហ្គាប្រចាំថ្ងៃ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ