Miranda Kerr បង្ហាញហេតុផល មួយនេះ ពេល លែងលះគ្នា ជាមួយ អតីតស្វាមី

កម្សាន្ត៖ អតីតតារាម៉ូដែលស្រី Miranda Kerr បានសារភាពថា នាង និងតារាសម្ដែង Orlando Bloom មិនបានបង្ហាញភាពល្អបំផុតរបស់គ្នាទៅវិញទៅមកទេ ក្នុងអំឡុងពេលរៀបការបីឆ្នាំ របស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងការសន្ទនាមួយ នៅលើផតខាស We Need to Talk នៅថ្ងៃទី ៣ ខែកុម្ភៈ តារាស្រី Miranda Kerr កម្រនិយាយអំពីរយៈពេលដ៏លំបាកមុនពេលនាង បែកពីអតីតស្វាមីរបស់នាងណាស់។ តារាស្រីរូបនេះ បាននិយាយថា ពួកគេទាំងពីរ បានដឹងយ៉ាងឆាប់រហ័សថា ទំនាក់ទំនងពួកគេ លែងជួយគ្នាទៅវិញទៅមកឲ្យប្រសើរឡើងទៀតហើយ។ Miranda បានរៀបរាប់ថា «ពេលយើងសម្រេចចិត្តបែកគ្នា ខ្ញុំបានប្រាប់គាត់ថា ចូរយើងតែងតែដាក់តម្រូវការរបស់ Flynn ជាមុនសិន កុំឲ្យបញ្ហា ឬអារម្មណ៍របស់យើង រារាំងឡើយ»។

ក្នុងដំណើរនៃការកសាងទំនាក់ទំនងរបស់ពួកគេឡើងវិញ ជាឪពុកម្ដាយរួម Miranda និង Orlando បាននិយាយថា ពួកគេបានចំណាយពេលច្រើនដើម្បីព្យាបាល រួមទាំងការរៀនអភ័យទោសឲ្យគ្នាទៅវិញទៅមក និងខ្លួនឯង។ នាងបាននិយាយថា «យើងពិតជាត្រូវអភ័យទោសឲ្យគ្នាទៅវិញទៅមក រៀនបង្កើតសន្តិភាព ព្រោះបើមិនដូច្នោះទេ ការឈឺចាប់ទាំងនោះ នឹងក្លាយជាបន្ទុកធ្ងន់សម្រាប់យើងម្នាក់ៗ»។

Miranda Kerr និង អតីតស្វាមី Orlando Bloom

តារាម៉ូដែលអូស្ត្រាលីរូបនេះ ក៏បានសង្កត់ធ្ងន់ផងដែរថា ការមានកូនជាមួយគ្នាមានន័យថា ការរក្សាទំនាក់ទំនងរយៈពេលវែង ដោយនាងបានលើកឡើងថា «នៅពេលដែលអ្នកមានកូនជាមួយនរណាម្នាក់ អ្នកនោះនឹងក្លាយជាឪពុក ឬម្តាយរបស់កូនអ្នក ជារៀងរហូតសម្រាប់ជីវិតដែលនៅសល់របស់ពួកគេ»។ ការយល់ដឹងនេះធ្វើឱ្យ Miranda ចង់ឱ្យទំនាក់ទំនងរបស់នាងជាមួយ Orlando តែងតែចុះសម្រុងគ្នា និង សន្តិភាព។

បច្ចុប្បន្ននេះ Miranda Kerr និង អតីតស្វាមី លោក Orlando Bloom នៅតែរក្សាទំនាក់ទំនងល្អ។ នាងបាននិយាយថា «ខ្ញុំ និង Orlando គឺជាមិត្តភក្តិជិតស្និទ្ធគ្នាណាស់។ ខ្ញុំគ្រាន់តែជូនពរគាត់ឲ្យមានថ្ងៃកំណើតដ៏រីករាយ ហើយគាត់បានអរគុណខ្ញុំសម្រាប់ការធ្វើជាម្តាយដ៏អស្ចារ្យរបស់ Flynn ក៏ដូចជាមិត្តដ៏មានតម្លៃម្នាក់ក្នុងជីវិតរបស់គាត់»។

Miranda បាននិយាយថា ពួកគេទាំងពីរស្រឡាញ់ និងដឹងគុណចំពោះការគាំទ្រគ្នាទៅវិញទៅមកក្នុងការចិញ្ចឹមកូនប្រុសរបស់ពួកគេ ដោយខិតខំធ្វើជាឪពុកម្តាយដ៏ល្អបំផុត៕

ប្រភព៖ Ngoisao.net

សូមទស្សនារូបភាពខាងក្រោម៖

រូបភាព

តារាអន្តរជាតិ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

Miranda Kerr បង្ហាញហេតុផល មួយនេះ ពេល លែងលះគ្នា ជាមួយ អតីតស្វាមី

In Case You Missed It