Mariah Carey បង្ហាញភាពស្រស់ស្អាត ក្នុងឈុតមួយនេះ នៅពិធីបើកការប្រកួតកីឡាអូឡាំពិក រដូវរងាឆ្នាំ ២០២៦

កម្សាន្ត៖ តារាចម្រៀងស្រី Mariah Carey បានបង្ហាញខ្លួនយ៉ាងស្រស់ស្អាត នៅលើឆាកក្នុងពិធីបើកការប្រកួតកីឡាអូឡាំពិករដូវរងាឆ្នាំ ២០២៦ កាលពីយប់ថ្ងៃសុក្រ នៅឯពហុកីឡដ្ឋាន San Siro ក្នុងទីក្រុង Milan ប្រទេសអ៊ីតាលី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងស្រីរូបនេះ បានសម្តែងបទចម្រៀងអ៊ីតាលីបុរាណ «Volare» រួមជាមួយនឹងបទចម្រៀងផ្ទាល់ខ្លួនរបស់នាង «Nothing Is Impossible» ក្នុងការសម្តែងមួយនេះ នៅចំពោះមុខអ្នកទស្សនាចំនួន ៦០.០០០ នាក់។

នៅលើឆាក Mariah Carey បានទាក់ទាញចំណាប់អារម្មណ៍ ដោយពាក់គ្រឿងអលង្ការពេជ្រសរុបចំនួន ៣០៦ ការ៉ាត់ ដែលមានតម្លៃប្រហែល ១៥ លានដុល្លារ ដែលផ្តល់ដោយម៉ាក Levuma។ 

មិនត្រឹមតែប៉ុណ្ណោះ តារាចម្រៀងស្រីរូបនេះ បានបំពេញរូបរាងដ៏អស្ចារ្យរបស់នាង ជាមួយនឹងសម្លៀកបំពាក់ពណ៌ស ដែលបំផុសគំនិតដោយរដូវរងា រួមផ្សំជាមួយនឹងអាវរោមសត្វ ដែលរចនាដោយ Fausto Puglisi សម្រាប់ Roberto Cavalli។

អ្នករៀបចំព្រឹត្តិការណ៍អូឡាំពិក បានចែករំលែកនៅលើ Instagram ដោយបាននិយាយថា «Mariah Carey បានបំភ្លឺពិធីបើកព្រឹត្តិការណ៍អូឡាំពិកឆ្នាំ 2026»។ នៅក្នុងការបង្ហោះផ្ទាល់ខ្លួនរបស់ តារាចម្រៀងរូបនេះ ក៏បាននិយាយផងដែរថា ការសម្តែងជាភាសាអ៊ីតាលីនៅក្នុងព្រឹត្តិការណ៍សកលនេះ គឺជាសុបិនដែលក្លាយជាការពិត។ នាងបានសរសេរថា «សូមអរគុណដល់អ្នកទាំងអស់គ្នាដែលបានចូលរួមចំណែកធ្វើឱ្យពេលវេលានេះ អាចធ្វើទៅបាន។ គ្មានអ្វីដែលមិនអាចទៅរួចនោះទេ!»។

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ