ស្វាមី សាន់ឆាយ រៀបចំ ខួបរៀបការ ៤ ឆ្នាំ នៅ កន្លែងមួយនេះ

កម្សាន្ត៖ នៅ​ថ្ងៃ​ខួប​អាពាហ៍ពិពាហ៍​របស់​ខ្លួន ​ជាមួយ​តារា​សម្ដែងស្រី Barbie Hsu លោក DJ Koo បាន​ចំណាយ​ពេល​ពេញ​មួយ​ថ្ងៃ​ នៅ​ទីបញ្ចុះសព​ កាលពី​ថ្ងៃ​ទី ៨ ខែ​កុម្ភៈ កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាប្រុសរូប​នេះ ​ត្រូវ​បាន​គេ​ឃើញ​ពាក់​អាវ​ខ្មៅ កាន់​សូកូឡា នំខេក ផ្កា និង​ស្រា​ក្រហម ដោយដាក់​របស់​របរ​ទាំង​នេះ ​នៅ​លើ​ផ្នូរ ហើយ​បន្ទាប់​មក​អង្គុយ​ស្ងៀម​ អស់​រយៈពេល​ជាច្រើន​ម៉ោង។ អ្នកឆ្លងកាត់​ម្នាក់​ បាន​និយាយ​ថា DJ Koo បាន​ឱន​ក្បាល ​ដើម្បី​ឆ្លើយ​តប​នឹង​ការ​ចូលរួម​រំលែក​ទុក្ខ និង​អរគុណ​។

ចាប់​តាំង​ពី ភរិយាទទួល​មរណភាព និង​ធ្វើការ​បញ្ចុះ​សព​របស់នាង ក្នុង​ខែ​មីនា ឆ្នាំ ២០២៥ មក លោក DJ Koo បាន​ចំណាយ​ពេល​បី​ម៉ោង​ជា​រៀង​រាល់​ថ្ងៃ​ នៅ​ទីបញ្ចុះសព ។ តារាប្រុសរូបនេះ បានសម្អាត​ផ្នូរ និង​ឱន​ក្បាល​ម្តង​ហើយ​ម្តង​ទៀត ​នៅ​មុខ​ផ្នូរ​របស់​ប្រពន្ធ​ខ្លួន។ 

កាល​ពី​ដើម​ឆ្នាំ​នេះ រូបលោកបាន​បង្ហាញ​រូបសំណាក​របស់​ប្រពន្ធ​ខ្លួន ដើម្បី​រំលឹក​ខួប​មួយ​ឆ្នាំ​នៃ​ការ​ស្លាប់​របស់​នាង។ 

លោក DJ Koo ដែលមានឈ្មោះពិតថា Koo Jun Yup គឺជាផលិតករតន្ត្រី អ្នកចម្រៀង និងជាសមាជិកក្រុមរាំ Clon។ រូបលោកធ្វើការជាឌីជេ និងមានម៉ាកសម្លៀកបំពាក់ផ្ទាល់ខ្លួន។ រូបលោកបានរៀបការជាមួយតារាសម្តែងស្រី Barbie Hsu ក្នុងឆ្នាំ ២០២២៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន