Kim Kardashian ចេញមកកម្សាន្ត ជាមួយ បុរស ម្នាក់នេះ ខណៈ មានចចាមអារ៉ាម ទំនាក់ទំនងស្នេហា

កម្សាន្ត៖ សេដ្ឋីនី Kim Kardashian ត្រូវបានគេប្រទះឃើញ​ អង្គុយក្បែរអ្នកបើកបរ F1 ដ៏ល្បីល្បាញ លោក Lewis Hamilton នៅឯ Super Bowl រយៈពេលមួយសប្តាហ៍បន្ទាប់ពីពាក្យចចាមអារ៉ាម អំពីការណាត់ជួប បានលេចចេញឡើង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Kim Kardashian និង Lewis Hamilton ត្រូវបានគេឃើញអង្គុយជាមួយគ្នា នៅក្នុងតំបន់ VIP នៅ Levi’s Stadium ក្នុងទីក្រុង Santa Clara រដ្ឋ California នៅថ្ងៃទី ៨ ខែកុម្ភៈ កន្លងទៅនេះ។ កាមេរ៉ា NBC បានថតបាន ពេលដែលតារាទាំងពីរជជែកគ្នាយ៉ាងស្និទ្ធស្នាល ខណៈពេលកំពុងទស្សនាការប្រកួតបាល់ទាត់វគ្គផ្តាច់ព្រ័ត្ររវាងក្រុម Seattle Seahawks និង New England Patriots។

នេះជាលើកដំបូងហើយ ដែល Kim Kardashian និង Lewis Hamilton បានបង្ហាញខ្លួនជាសាធារណៈជាមួយគ្នា ចាប់តាំងពីមានពាក្យចចាមអារ៉ាម អំពីទំនាក់ទំនងស្នេហារបស់ពួកគេ បានកើតឡើង នៅដើមខែនេះ។ កាលពីមុននេះ យោងតាម The Sun បានរាយការណ៍ថាតារាទាំងពីរ បានទៅសម្រាកលំហែកាយនៅអឺរ៉ុបកាលពីចុងសប្តាហ៍មុន។ ពួកគេត្រូវបានគេថតរូបពេលមកដល់សណ្ឋាគារប្រណីតមួយនៅ Cotswolds (អង់គ្លេស) នៅថ្ងៃទី ៣១ ខែមករា មុនពេលឡើងយន្តហោះឯកជន ដើម្បីហោះហើរទៅកាន់ទីក្រុងប៉ារីស (បារាំង)។

យោងតាមប្រភពព័ត៌មាន បន្ទាប់ពីអាហារពេលល្ងាច នៅភោជនីយដ្ឋានមួយក្បែរប៉ម Eiffel នៅថ្ងៃទី ២ ខែកុម្ភៈ Lewis Hamilton បានទៅអាកាសយានដ្ឋាន ខណៈពេលដែល Kim នៅតែនៅទីក្រុងប៉ារីសដើម្បីបន្តដំណើរអាជីវកម្មរបស់នាង។ មួយសប្តាហ៍ក្រោយមក អ្នកទាំងពីរបានជួបជុំគ្នា នៅសហរដ្ឋអាមេរិក ហើយបានទៅមើល Super Bowl ជាមួយគ្នា៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ