ស៊យចេញ លាភ ចូល អាជីវកររបស់ស្រាបៀរហនុមានមានសេចក្តីសោមនស្សដោយការគិតគូរពីក្រុមហ៊ុន

ភ្នំពេញ៖ នៅថ្ងៃទី 6 ខែកុម្ភះ ឆ្នាំ 2026 ថ្មីៗនេះ មានគណនីហ្វេសប៊ុកឈ្មោះ Chhai leak បានបង្ហោះសារ មានរូបថត និងវីដេអូនៃការលួចស្រាបៀរ ហនុមាន ភ្ជាប់ជាមួយនឹងការសរសេររៀបរាប់យ៉ាងហួសចិត្ត ថា “បងប្អូនអើយ កណ្តាលថ្ងៃត្រង់ 6.02.2026 រៀបឥវ៉ាន់នឹងចេញរ ឱ្យម៉ូយ ឥឡូវគាត់លួចបាត់ ពីរកេស ស្រាជីដូនជីតា ម៉ែឪវាទុកនៅនឹងពីកាលទេ មកយកស្រួលៗ សូមបងប្អូនជួយមើលមុខវា មើលលេខម៉ូតូវាផង ចោរលួចស្រា” 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ អ្នកលេងហ្វេសប៊ុកបានសម្តែងការហួសចិត្តជាខ្លាំងទៅលើទង្វើររបស់ចោរដាច់ដាបម្នាក់នេះ សូម្បីតែស្រាបៀរ Hanuman Lite 2 កេស ក៏លួច ដែលធ្វើឱ្យផុសនោះមានការផ្ទុះ ជរជែកពីភាក្សារ គ្នាជាច្រើន ដោយមានគណនីខ្លះសម្តែងការហួសចិត្តទៅកាន់បុគ្គល ខាងលើដែលបានប្រព្រឹត្ត អំពើលួចបែបនេះដោយត្រឹមតែស្រាបៀ ហនុមាន 2 កេសសោះ ឯគណនីខ្លះទៀតក៏បានលើកឡើងថា ធ្លាប់ឃើញបុគ្គលខាងលើបានធ្វើសកម្មភាពបែបនេះជាច្រើនលើកច្រើនសាររួចមកហើយដែរ ។

នៅថ្ងៃទី 10 ខែកុម្ភះ ឆ្នាំ 2026 ម្សិលមិញនេះ ក្រុមហ៊ុន ហនុមាន បាននាំយកស្រាបៀរ Hanuman Lite រហូតទៅដល់ 20 កេសដើម្បីឧបត្ថមជូនទៅកាន់បងស្រី ដែលជាម្ចាស់អជីវកម្មចាប់ហួយតូបឈ្មោះ ស៊ិន សូឡា ស្ថិតនៅ ភូមិទ្រា សង្កាត់លូ 5 ខ័ណ្ឌមានជ័យ រាជធានីភ្នំពេញ ។

បងស្រីជាម្ចាស់អជីវកម្មបានសម្តែងចិត្តត្រេកអរ និងបង្ហាញភាពកក់ក្តៅដែលទទួលបានការយកចិត្តទុកពីក្រុមហ៊ុន ហនុមាន ផ្ទាល់ដែលតែងតែគិតគូ ពីអតិថិជនរបស់ខ្លួន ។ បងស្រីក៏បានបង្ហោះសារជូនពរ និងថ្លែងអំណរគុណទៅកាន់ក្រុមហ៊ុនហនុមានដែលមានខ្លឹមសារដូចខាងក្រោមថា

“ស៊យចេញ លាភចូលមុនចូលឆ្នាំចិន ហើយ បងប្អូន សូមអរគុណទៅដល់ក្រុមហ៊ុន ហនុមាន ដែលបានឧបត្ថមស្រាបៀរ Hanuman Lite រហូតដល់ 20 កេស បន្ទាប់ពីត្រូវបានចោរលួចថ្ងៃមុន ដោយការយកចិត្តទុកដាក់ពីក្រុមហ៊ុនហនុមាន នាងខ្ញុំនិងគ្រួសារ សូមជូនពរ ឱ្យក្រុមហ៊ុនលក់កាន់តែដាច់ កាន់តែរីកចម្រើន ទៅមុខ រហូត ដែលបានធ្វើឱ្យអជីវករមានអារម្មណ៍កក់ក្តៅ”

គួរបញ្ជាក់ផងដែរថាយើងសង្កេតឃើញថា ក្រុមហ៊ុន ហនុមាន តែងតែយកចិត្តទុកជាមួយអតិថិជនរបស់ខ្លួន ជាពិសេសគឺអជីវកររបស់ស្រាបៀរ ហនុមាន ទាំងអស់ដោយធ្វើឱ្យអជីវករមានភាពកក់ក្តៅ ក្នុងការធ្វើអជីវកម្មជាមួយក្រុមហ៊ុន ហនុមាន៕