Angelina Jolie បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ តារាសម្ដែងស្រី Angelina Jolie បានទាក់ទាញការចាប់អារម្មណ៍ ដោយបានបង្ហាញខ្លួន នៅលើកំរាលព្រំក្រហម នៅឯការចាក់បញ្ចាំងលើកដំបូង នៃរឿង «Couture» នៅទីក្រុងប៉ារីស កាលពីថ្ងៃទី ៩ ខែកុម្ភៈ កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈការបង្ហាញខ្លួនលើកនេះ តារាសម្ដែងស្រី Angelina Jolie បានបង្ហាញរូបរាងដ៏ទាក់ទាញ ក្នុងឈុតរ៉ូបស្តើង ខណៈដែលរ៉ូបនេះត្រូវបានតុបតែងលម្អដោយផ្កាភ្លឺចែងចាំង និងតុបតែងលម្អិតអំពីអង្កាំ ដែលបង្កើតបានជារូបរាងដ៏ឆើតឆាយ និងទាក់ទាញ។

Angelina បានបំពេញរូបរាងរបស់នាង ជាមួយនឹងគ្រឿងអលង្ការ Garatti រួមទាំងចិញ្ចៀនពេជ្រពណ៌ខៀវដ៏ស្រស់ស្អាត ១៥ ការ៉ាត់ និងក្រវិលដែលត្រូវគ្នា រួមជាមួយនឹងស្បែកជើងកែងខ្ពស់ពណ៌ខ្មៅ។ នាងបានជ្រើសរើសការតុបតែងមុខបែបធម្មជាតិ និងសក់ពណ៌ទង់ដែងស្រាលៗ។

តារាសម្តែងស្រីរូបនេះ បានចូលរួមព្រឹត្តិការណ៍នេះ ដើម្បីផ្សព្វផ្សាយ រឿង «Couture» ដែលជាខ្សែភាពយន្តដែលនាងដើរតួជាតួឯក។ នៅក្នុងខ្សែភាពយន្តនេះ Angelina ដើរតួជា Maxine Walker ដែលជាអ្នកដឹកនាំរឿងហូលីវូដដែលធ្វើដំណើរទៅកាន់ទីក្រុងប៉ារីស ដើម្បីថតកម្មវិធីម៉ូដ។ តួអង្គរបស់នាង ត្រូវបានរកឃើញថា នាងមានជំងឺមហារីកសុដន់ ខណៈពេលកំពុងធ្វើការនៅ Paris Fashion Week ហើយក៏កំពុងតស៊ូជាមួយជីវិតជាម្តាយទោល បន្ទាប់ពីលែងលះគ្នា។ ខ្សែភាពយន្តនេះក៏ភ្ជាប់រឿងរ៉ាវរបស់តារាម៉ូដែល និងអ្នកតុបតែងមុខម្នាក់ ដែលខិតខំបង្កើតខ្លួនឯង នៅក្នុងឧស្សាហកម្មម៉ូដផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ