Romano ថា លោក Jose Mourinho ត្រូវក្រុមជម្រើសជាតិមួយនេះ ទាក់ទងមកដឹកនាំក្រុម

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា លោក Jose Mourinho ដែលបច្ចុប្បន្នជាគ្រូបង្វឹករបស់ក្លិប Benfica កំពុងត្រូវភ្នែកក្រុមជម្រើសជាតិព័រទុយកាល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សេចក្ដីរាយការណ៍បានបន្តទៀតថា ក្រុមជម្រើសជាតិព័រទុយកាល់ចង់បានលោកគ្រូមកដឹកនាំក្រុម ខណៈនេះដែរ លោក  Roberto Martinez នឹងផុតកុងត្រាដឹកនាំក្រុមជម្រើសជាតិព័រទុយកាល់ បន្ទាប់ពីការប្រកួតព្រឹត្តិការណ៍បាល់ទាត់ពិភពលោក ឆ្នាំ២០២៦ ខាងមុខនេះហើយ។

លោក Jose Mourinho ក៏ធ្លាប់បានបង្ហាញចំណាប់អារម្មណ៍ចង់ដឹកនាំក្រុមជម្រើសជាតិផងដែរ កាលពីខែមករាឆ្នាំមុន អំឡុងពេលលោកនៅដឹកនាំក្រុម Fenerbahce នៅប្រទេសតួកគី ដូច្នេះលោក Mourinho ទំនងជាអាចនឹងទទួលការងារជាគ្រូបង្វឹកក្រុមជម្រើសជាតិម្ដង៕