Britney Spears ទទួលបាន ចំណូល រាប់លានដុល្លារ ពី រឿងមួយនេះ

កម្សាន្ត៖ តារាចម្រៀងស្រី Britney Spears បានលក់កម្មសិទ្ធិនៃកាតាឡុកតន្ត្រីដ៏ល្បីល្បាញរបស់នាង នៅក្នុងកិច្ចព្រមព្រៀងមួយ ដែលត្រូវបានពិពណ៌នាថា ជា ប្រវត្តិសាស្ត្រ ដែលមានតម្លៃរាប់រយលានដុល្លារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ឯកសារដែលទទួលបានដោយ ប្រភព TMZ បានឲ្យដឹងថា តារាចម្រៀងស្រីរូបនេះ បានផ្ទេរកម្មសិទ្ធិនៃកាតាឡុកតន្ត្រីរបស់នាង ទៅឱ្យ Primary Wave ដែលជាក្រុមហ៊ុនបោះពុម្ពផ្សាយតន្ត្រីឯកជនដែលមានមូលដ្ឋាននៅទីក្រុងញូវយ៉ក នៅថ្ងៃទី ៣០ ខែធ្នូ កន្លងទៅ។ យោងតាមប្រភពមួយ បានបង្ហាញថា កិច្ចព្រមព្រៀងនេះ ត្រូវបានប៉ាន់ប្រមាណថា មានតម្លៃ ២០០ លានដុល្លារដូចគ្នា ដែលកាល លោក Justin Bieber បានទទួលនៅពេលដែលលោកលក់កាតាឡុករបស់ខ្លួន នៅឆ្នាំ ២០២២។

ប្រភពនេះ បាននិយាយថា Britney Spears មានការពេញចិត្តនឹងការសម្រេចចិត្តនេះ ហើយបានអបអរសាទរជាមួយកូនប្រុសពីរនាក់របស់នាងគឺ Sean Preston Federline និង Jayden James Federline ។ តែទោះជាយ៉ាងណា អ្នកតំណាងរបស់តារាចម្រៀងប៉ុបរូបនេះ នៅមិនទាន់បានធ្វើអត្ថាធិប្បាយ លើព័ត៌មាននេះ នៅឡើយទេ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ