ចាញ់ AT.Madrid ៤-០ ស្ពឹកមុខយប់មិញមែន តែ លោក Flick ថាប្រកួតចាញ់ក្រុមនេះ ទើបជាសុបិនអាក្រក់

កីឡា៖ កាលពីយប់ឈានចូលថ្ងៃទី១៣ខែកុម្ភៈ ក្រុមភ្ញៀវ Barcelona បានធ្វើដំណើរទៅប្រកួតជាមួយក្រុមខ្លាំងរួមលីគ Atletico Madrid ដោយក្នុងនេះ ក្រុមរបស់លោក Hansi Flick បានចាញ់ក្រុមម្ចាស់ផ្ទះ ៤ ទល់នឹង០ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បរាជ័យនេះចាត់ទុកជារឿងគួរឲ្យអាម៉ាស់បំផុត ខណៈដែល Eric Garcia បើកឆាកស៊ុតបញ្ចូលទីខ្លួនឯងនៅនាទីទី៧ បន្ទាប់មកកីឡាករដូចជា Antoine Griezmann, Lookman និង Julian Alvarez ស៊ុតបញ្ចូលទីម្នាក់១គ្រាប់ថែមទៀត។

ការប្រកួតនេះជាការប្រកួតវគ្គពាក់កណ្ដាលផ្ដាច់ព្រ័ត្រ Copa Del Rey ដែលជាការប្រកួតជើងទី១ ដូច្នេះបើសិនជើងទី២ Barcelona មិនអាចយកឈ្នះ Atletico Madrid ទេ នោះក្រុមគេនឹងធ្លាក់ចេញពីពានរង្វាន់នេះមិនខាន។

យ៉ាងណាមិញ ក្រោយចប់ការប្រកួត លោក Hansi Flick ជាគ្រូបង្វឹក Barcelona បានទម្លាយថា ដ្បិតក្រុមលោក ចាញ់ Atletico Madrid មែនតែការប្រកួតវគ្គពាក់កណ្ដាលផ្ដាច់ព្រ័ត្រ ពានរង្វាន់ UEFA Champions League ទល់នឹង Inter Milan ទៅវិញទេ ដែលលោកគិតថាជាសុបិនអាក្រក់របស់លោក៖

"អត់ទេ ការប្រកួតដ៏អាក្រក់បំផុតគឺទល់នឹង Inter...ថ្ងៃនេះ ពួកយើងនៅមានប្រលោះអាចវាយបកវិញបាន។ វាពិតជាពិបាក ប៉ុន្តែពួកយើងនឹងព្យាយាម។"