កូនប្រុស David Beckham ចេញមក និយាយ សរសើរ ភរិយា បែបនេះ

កម្សាន្ត៖ Brooklyn Beckham ដែលត្រូវបានគេស្គាល់ថា ជាកូនប្រុសរបស់អតីតកីឡាករបាល់ទាត់ លោក David Beckham បានបង្ហោះរូបថតផ្អែមល្ហែមជាបន្តបន្ទាប់ ជាមួយ Nicola Peltz អមដោយបទចម្រៀងរ៉ូមែនទិក ដែលជាសកម្មភាពមួយ ដែលត្រូវបានគេមើលឃើញថា ជាការឆ្លើយតបទៅនឹង ការបង្ហោះជាសាធារណៈរបស់ប្អូនប្រុសរបស់លោក គឺ Cruz ខណៈមានជម្លោះក្នុងគ្រួសារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ត្រឹមតែប៉ុន្មានម៉ោងបន្ទាប់ពី Cruz Beckham បានចែករំលែករូបថតចាស់ៗរបស់បងប្អូនប្រុសរបស់ខ្លួន រួមជាមួយនឹងបទចម្រៀង «The River of Dreams» របស់ Billy Joel ជាមួយនឹងទំនុកច្រៀងដែលរំលឹកពី «របស់ដ៏ពិសិដ្ឋត្រូវបានបាត់បង់» Brooklyn ក៏បានប្រតិកម្មនៅលើ Instagram។ ជំនួសឱ្យការលើកឡើងពីគ្រួសាររបស់ខ្លួន កូនប្រុសច្បងរបស់ David Beckham និង Victoria Beckham បានបង្ហោះរូបថតជាបន្តបន្ទាប់ ដែលផ្តោតលើជីវិតបច្ចុប្បន្នរបស់លោក ជាមួយប្រពន្ធ។ លោកបានហៅ Nicola ថាជា «ដំបូងរបស់ខ្ញុំ ចុងក្រោយរបស់ខ្ញុំ អ្វីគ្រប់យ៉ាងរបស់ខ្ញុំ» ដែលជាសម្រង់សម្តីពីបទចម្រៀងរបស់ Barry White ដែលមានឈ្មោះដូចគ្នា។

នៅក្នុងរូបថតនោះ Nicola កំពុងដេកលើគ្រែដោយស្នាមញញឹមដ៏ភ្លឺស្វាង ពាក់អាវខ្លីពណ៌ខ្មៅ។ Brooklyn ក៏បានចែករំលែករូបភាពឆ្កែចិញ្ចឹមពីរក្បាលរបស់ខ្លួន នៅក្នុងសួនច្បារ និងអាហារមួយចំនួនដែលលោក ចម្អិនដោយខ្លួនឯង ។

ហាក់មិនដូច Cruz ដែលបានជ្រើសរើសរូបថតអនុស្សាវរីយ៍កាលពីកុមារភាពរបស់ខ្លួន ជាមួយបងប្អូនបង្កើត និងម្តាយរបស់លោក Victoria ខណៈ ការបង្ហោះរបស់ Brooklyn ផ្តោតទាំងស្រុងលើបច្ចុប្បន្នកាល ជាមធ្យោបាយមួយដើម្បីបញ្ជាក់ជាថ្មីនូវជំហររបស់លោកបន្ទាប់ពីសេចក្តីថ្លែងការណ៍ដ៏គួរឱ្យភ្ញាក់ផ្អើលរបស់ខ្លួន កាលពីខែមុន។

កាលពីមុននេះ Brooklyn បាននិយាយជាសាធារណៈថា ខ្លួនមិនមានបំណងផ្សះផ្សាជាមួយក្រុមគ្រួសាររបស់លោកទេ ដោយចោទប្រកាន់ម្តាយរបស់ខ្លួនថា "លួច" ការរាំដំបូងនៅក្នុងពិធីមង្គលការ កាលពីឆ្នាំ ២០២២ របស់ខ្លួន និងអះអាងថាឪពុកម្តាយរបស់លោក ផ្តល់អាទិភាពដល់រូបភាពម៉ាកយីហោរបស់ពួកគេជាងអ្វីៗទាំងអស់។ ម៉្យាងវិញទៀត លោកក៏បានអះអាងផងដែរថា លោកមិនត្រូវបានគ្រប់គ្រងដោយប្រពន្ធរបស់ខ្លួនទេ ហើយជាលើកដំបូង ដែល ឈរឡើងដើម្បីខ្លួនឯង៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ