David Beckham និង ភរិយា រៀបចំ ខួបកំណើត កូនប្រុស ម្នាក់នេះ យ៉ាងមានក្ដីសុខ

កម្សាន្ត៖ ពិធីជប់លៀងខួបកំណើតមុនអាយុ របស់ Cruz Beckham ដែលជាកូនប្រុសរបស់ អតីតកីឡាករបាល់ទាត់ លោក David Beckham ត្រូវបានចូលរួមដោយសមាជិកគ្រួសារទាំងអស់ និងមិត្តស្រីរបស់ខ្លួន លើកលែងតែបងប្រុស គឺ លោក Brooklyn និងភរិយា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីចុងសប្តាហ៍កន្លងទៅ David Beckham និង ភរិយា Victoria បានរៀបចំពិធីជប់លៀងខួបកំណើតគម្រប់ ២១ ឆ្នាំ សម្រាប់កូនប្រុសពៅរបស់ពួកគេ នៅឯសណ្ឋាគារមួយកន្លែង ក្នុងទីក្រុង Mayfair ប្រទេសអង់គ្លេស។

ពិធីជប់លៀងនេះ មានការចូលរួមពីសមាជិកគ្រួសារភាគច្រើន រួមទាំងជីដូនជីតាខាងម្តាយនិងឪពុក ឪពុកម្តាយ បងប្រុសRomeo និងមិត្តស្រី និងប្អូនស្រី Harper។ មិត្តភក្តិជិតស្និទ្ធជាច្រើននាក់នៃគ្រួសារ Beckham ក៏មានវត្តមានផងដែរ។ បងប្រុសរបស់លោក ឈ្មោះ Brooklyn និងភរិយា Nicola បានអវត្តមានពីពិធីជប់លៀងខួបកំណើតរបស់លោក ដោយសារតែជម្លោះគ្រួសារដែលកំពុងបន្ត។

ពិធីជប់លៀងនេះ ត្រូវបានតុបតែងលម្អដោយប្រធានបទ «Grande Beatles» ដែលមានចង្កៀងគោមដ៏ធំមួយនៅចំកណ្តាលបន្ទប់ ខណៈភ្ញៀវស្លៀកពាក់ខ្មៅ និងអាហារបីមុខដ៏ប្រណីត។

ក្នុងអំឡុងពេលពិធីជប់លៀងខួបកំណើត Cruz បង្ហាញអារម្មណ៍រំជួលចិត្តនៅពេលដែលម្តាយ ប្អូនស្រី និងមិត្តស្រីរបស់លោក បានឡើងលើឆាក ដើម្បីថ្លែងសុន្ទរកថា ដែលបង្ហាញពីសេចក្តីស្រឡាញ់ របស់ពួកគេ៕

ប្រភព៖ Ngoisao.net

សូមទស្សនារូបភាពខាងក្រោម៖