Real Madrid ឈ្នះ Benfica យប់មិញមែន តែ Vinicius Jr. ដើរចេញពីទីលានពាក់កណ្ដាលទីដោយសារ...

កីឡា៖ កាលពីយប់ឈានចូលថ្ងៃទី១៨ ខែកុម្ភៈកន្លងមកនេះ ក្រុម Real Madrid បានធ្វើដំណើរទៅចួបក្រុមម្ចាស់ផ្ទះ Benfica ក្នុងការប្រកួតក្របខណ្ឌ Champions League វគ្គ Play-Off ឡើងទៅកាន់វគ្គ១៦ក្រុមចុងក្រោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចប់ការប្រកួត Vinicius Jr. រកគ្រាប់បាល់បាន១គ្រាប់ស៊ុតបញ្ចូលទី នៅនាទីទី៥០ ជួយឲ្យ Real Madrid កាន់តែមានសង្ឃឹមបានឡើងទៅកាន់វគ្គ១៦ក្រុមចុងក្រោយ។

យ៉ាងណាមិញ នៅក្នុងការប្រកួតនេះដែរ ក៏មានបញ្ហាខ្លះបានកើតឡើង ដោយក្រោយពេល Vinicius Jr. បានអបអរគ្រាប់បាល់រួចហើយ ស្រាប់តែកីឡាករ Gianluca Prestianni របស់ Benfica បានចូលមកនិយាយឌឺដងដាក់ Vinicius ដោយបានយកអាវមកខ្ទប់មាត់របស់គេ ដើម្បីកុំឲ្យកាំមេរ៉ាបានឃើញ។

ពេលនោះ គេបានឃើញ Vinicius Jr. មានទឹកមុខរាងតក់ស្លុតនិងឈឺចាប់ណាស់ ដែលសង្ស័យថាវាជាពាក្យមើលងាយនិងរើសអើងពូជសាសន៍ ហើយភ្លាមៗនោះអាជ្ញាកណ្ដាលក៏ចូលមកចាត់ការ ដោយបានធ្វើសញ្ញាពាក់ព័ន្ធនឹងការរើសអើងពូជសាសន៍។Vinicius Jr. ក៏បានដើរចេញពីទីលានយ៉ាងលឿន ដោយមានលោក Jose Mourinho បានចូលទៅលួងលោមគេ បន្ទាប់មកការប្រកួតក៏ផ្អាកអស់រយៈពេល១០នាទីដើម្បីដោះស្រាយរឿងនេះ។

យ៉ាងណាមិញក្រោយចប់ការប្រកួតមានការជជែកវែកញែកផ្ទុះឡើង ដោយកីឡាករ Real Madrid ដូចជា Trent Alexander-Arnold បានចេញមកនិយាយថា កីឡាករ Gianluca Prestianni ពិតជាបាននិយាយស្ដីរើសអើងពូជសាសន៍ទៅលើ Vinicius ខណៈដែលពិធីករនិងអ្នកវិភាគបាល់ទាត់ជាច្រើនក៏គិតដូច្នេះដែរ។ រឿងនេះ ខាងសហព័ន្ធកីឡាបាល់ទាត់ទ្វីបអឺរ៉ុបហៅកាត់ថា UEFA ក៏កំពុងមានចំណាត់ការខាងនេះដែរ៕