Kylie និង គូស្នេហ៍ ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ សេដ្ឋីនីវ័យក្មេង Kylie Jenner និង គូស្នេហ៍ ដែលជាតារាសម្តែង លោក Timothée Chalamet បានណាត់ជួបបែបឯកជននៅហាងភីហ្សាមួយកន្លែង ក្នុងទីក្រុង Los Angeles នៅថ្ងៃទី ១៧ ខែកុម្ភៈ កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភព ​​TMZ ហាងភីហ្សាមួយកន្លែងនេះ បានបិទជាបណ្ដោះអាសន្ន សម្រាប់អតិថិជនផ្សេងទៀត នៅល្ងាចថ្ងៃអង្គារ ដើម្បីឱ្យគូស្នេហ៍ដ៏ល្បីល្បាញមួយគូនេះ អាចរីករាយជាមួយអាហាររបស់ពួកគេ ដោយភាពឯកជន។ Kylie Jenner និង Timothée Chalamet ត្រូវបានគេប្រដូចទៅនឹងគូស្នេហ៍ «សង្សារវិទ្យាល័យ» ដោយសារតែជ្រើសរើសអាហារពេលល្ងាចធម្មតា ជំនួសឱ្យភោជនីយដ្ឋានប្រណីត របស់ពួកគេ។

មិនត្រឹមតែប៉ុណ្ណោះ អ្នកទាំងពីរ ស្លៀកសម្លៀកបំពាក់បែបធម្មតា ពណ៌ស្រាលៗ និងមានផាសុកភាព។ Kylie បានតុបតែងខ្លួនស្រាលៗ និងសក់ទម្លាក់សក់ចុះ ខណៈដែល Timothée Chalamet បានជ្រើសរើសស្ទីលស្ព័រ (Sporty Style)។ គូស្នេហ៍មួយនេះ បានថើបគ្នាយ៉ាងផ្អែមល្ហែម ខណៈពេលកំពុងរីករាយ ជាមួយភីហ្សានៅបញ្ជរ។

គួររំឭកផងដែរថា Kylie Jenner និង Timothée Chalamet បានណាត់ជួបគ្នា តាំងពីឆ្នាំ ២០២៣។ កាលពីដើមខែនេះ យោងតាម Page Six បានរាយការណ៍ថា អ្នកជំនួញស្រីរូបនេះ និងគូស្នេហ៍ដែលជាតារាសម្តែង បានរស់នៅជាមួយគ្នា នៅទីក្រុង Los Angeles អស់រយៈពេលជាងមួយឆ្នាំ។ ខណៈប្រភពមួយ បានបង្ហាញថា ពួកគេស្រលាញ់គ្នា ហើយតែងតែនៅជាមួយគ្នា ដូចជាពួកគេរៀបការហើយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ