Brad Pitt និង គូស្នេហ៍ ចេញមក ធ្វើដំណើរ ជាមួយគ្នា ដើម្បី ធ្វើរឿងមួយនេះ

កម្សាន្ត៖ តារាសម្តែងប្រុស លោក Brad Pitt បាននាំមិត្តស្រីរបស់ខ្លួន ដែលត្រូវបានគេស្គាល់ថា ជា អ្នករចនាគ្រឿងអលង្ការ Ines de Ramon ទៅកាន់ប្រទេសក្រិក នៅថ្ងៃទី ១៨ ខែកុម្ភៈ កន្លងទៅនេះ សម្រាប់គម្រោងភាពយន្តថ្មីមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គូស្នេហ៍មួយគូនេះ បានមកដល់កោះ Hydra ជាមួយនឹងឥវ៉ាន់ជាច្រើន។ លោក Brad Pitt បានបង្ហាញខ្លួនយ៉ាងស្រស់សង្ហា ជាមួយនឹងការរៀបចំខ្លួន ក្នុងឈុតអាវក្រៅពណ៌ស និងខោខូវប៊យជើងវែង។ ចំណែក គូស្នេហ៍ Ines de Ramon បានបង្ហាញភាពស្រស់ស្អាត ដោយបានរៀបចំខ្លួន ជាមួយនឹងឈុត អាវស្បែកជាមួយខោពណ៌បន៍ត្នោតខ្ចី (beige trousers) ដោយបំពេញបន្ថែមរូបរាងទាន់សម័យរបស់នាងជាមួយនឹងវ៉ែនតា និងកាបូបធ្វើដំណើរពណ៌ខ្មៅ។

យោងតាមប្រភព ​​People មិត្តស្រីរបស់តារាសម្ដែងប្រុសរូបនេះ កំពុងអមដំណើររូបលោក ក្នុងអំឡុងពេលថតរឿង The Riders in the Mediterranean។ នៅក្នុងគម្រោងថ្មី Brad Pitt បានដើរតួជាឪពុកដ៏អស់សង្ឃឹមម្នាក់ ដែលធ្វើដំណើរឆ្លងកាត់ទ្វីបអឺរ៉ុបដើម្បីស្វែងរកប្រពន្ធ និងកូនស្រីដែលបាត់ខ្លួនរបស់លោក ផងដែរ។ 

គួររំឭកផងដែរថា តារា​សម្ដែងប្រុស លោក Brad Pitt បាន​ទាក់ទង​ជាមួយ Ines de Ramon តាំងពី​ឆ្នាំ ២០២២ ហើយ​បាន​រក្សា​ភាព​ឯកជន​អំពី​ជីវិត​ផ្ទាល់ខ្លួន​ ​បន្ទាប់​ពី​ការ​លែងលះ​ដ៏​ចម្រូងចម្រាស​ពី Angelina Jolie ក្នុង​ឆ្នាំ ២០១៦។ ថ្មីៗ​នេះ Ines តែងតែ​បង្ហាញ​ខ្លួន​ជាមួយ Brad នៅ​លើ​កម្រាល​ព្រំ​ក្រហម ប៉ុន្តែ​គ្មាន​អ្នក​ណា​ម្នាក់​ធ្វើ​អត្ថាធិប្បាយ​ជា​សាធារណៈ​ អំពី​ទំនាក់ទំនង​របស់​ពួកគេ​ឡើយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ