David Beckham និង ភរិយា រៀបចំ ពិធីជប់លៀង អបអរ ខួបកំណើត កូនប្រុស ម្នាក់នេះ

កម្សាន្ត៖ តារាស្រី Victoria និង ស្វាមី លោក David Beckham បានរៀបចំពិធីជប់លៀងដ៏ប្រណីតមួយ នៅភោជនីយដ្ឋានមួយកន្លែង ក្នុងទីក្រុងឡុងដ៍ ដើម្បីអបអរសាទរខួបកំណើតកូនប្រុសរបស់ពួកគេ ឈ្មោះ Cruz ខណៈដែល Brooklyn នៅតែបន្តឃ្លាតឆ្ងាយពីក្រុមគ្រួសាររបស់ខ្លួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅល្ងាចថ្ងៃទី ២០ ខែកុម្ភៈ Victoria និង David Beckham បានអញ្ជើញក្រុមគ្រួសាររបស់ពួកគេទៅទទួលទានអាហារ នៅភោជនីយដ្ឋាន មួយកន្លែង ក្នុងសង្កាត់ Piccadilly ដើម្បីអបអរសាទរខួបកំណើតគម្រប់ ២១ ឆ្នាំ របស់កូនប្រុសរបស់ពួកគេ ឈ្មោះ Cruz Beckham។ ក្រុមគ្រួសារទាំងមូល មើលទៅហាក់ដូចជា មានភាពរីករាយនៅពេលដែលពួកគេចាកចេញពីភោជនីយដ្ឋាន ដោយបង្ហាញពីសាមគ្គីភាពរបស់ពួកគេ ខណៈដែលកូនប្រុសច្បងរបស់ពួកគេឈ្មោះ Brooklyn Beckham នៅតែបន្តឃ្លាតឆ្ងាយពីសាច់ញាតិ។

ការបង្ហាញខ្លួនលើកនេះ Victoria បានតុបតែងខ្លួន ដោយស្លៀកសម្លៀកបំពាក់ ដែលរចនាដោយម៉ាកផ្ទាល់ខ្លួនរបស់នាង កាន់កាបូបប្រណីត និងដើរជាមួយស្វាមី រួមទាំងកូនស្រីពៅរបស់នាង ឈ្មោះ Harper ។ នៅលើ Instagram នាងបានបង្ហោះវីដេអូកូនប្រុសរបស់នាង ជាមួយនឹងសារថា «យើងមិនអាចមានមោទនភាពចំពោះក្មេងប្រុសដ៏ផ្អែមល្ហែម និងមានទេពកោសល្យដែលអ្នកបានក្លាយជា នោះទេ។ ពិភពលោកកំពុងរង់ចាំអ្នក»។

ខណៈ David Beckham មើលទៅមានភាពស្រស់សង្ហាក្នុងឈុតពណ៌ខៀវ ដោយបានជួយប្រពន្ធ និងកូនប្រុស នៅពេលដែលពួកគេចុះពីលើជណ្តើរ។ នៅលើ Instagram David គឺជាម្នាក់ក្នុងចំណោមមនុស្សដំបូងគេ ដែលបានផ្ញើសារជូនពរខួបកំណើតដល់ Cruz។ អតីតតារាបាល់ទាត់រូបនេះ បានចែករំលែកវីដេអូកូនប្រុសរបស់លោក កាលពីនៅក្មេងលេងហ្គីតា និងព្យ៉ាណូ ព្រមទាំងចំណាយពេលជាមួយក្រុមគ្រួសាររបស់ខ្លួន។ រូបលោកបានសរសេរថា «រីករាយថ្ងៃកំណើតគម្រប់ ២១ ឆ្នាំកូនប្រុសរបស់ខ្ញុំ។ អ្វីដែលធ្វើឱ្យខ្ញុំមានមោទនភាពបំផុតនោះគឺថា អ្នកបានក្លាយជាបុរសដែលមានចិត្តល្អ គិតគូរ និងស្មោះត្រង់ចំពោះក្រុមគ្រួសារ និងមិត្តភក្តិរបស់អ្នក» ជាពិសេស ព្រមទាំងបានបន្ថែមថា «អ្នកកំពុងស្ថិតនៅលើដំណើររបស់អ្នក បន្តខិតខំធ្វើការ និងរីករាយនឹងជីវិត»។ មិនត្រឹមតែប៉ុណ្ណោះ រូបលោក បានបញ្ចប់ដោយផ្ញើសារទៅកាន់ភរិយារបស់ខ្លួនថា «រីករាយថ្ងៃកំណើត ម៉ាក់ ដែលបានចិញ្ចឹមកូនប្រុសដ៏អស្ចារ្យម្នាក់ទៀត»៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ