Selena បង្ហាញភាពស្រស់ស្អាត ពេល ចេញមកកម្សាន្ត ជាមួយ មិត្តភក្តិ

កម្សាន្ត៖ តារាចម្រៀងស្រី Selena Gomez បានបង្ហាញភាពរីករាយ នាចុងសប្តាហ៍ដ៏ស្រស់ស្រាយ ជាមួយមិត្តភក្តិស្រីរបស់នាង នៅ Los Cabos ប្រទេសម៉ិកស៊ិក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាចម្រៀងស្រី Selena Gomez បានបង្ហាញសម្រស់ ដោយបានស្លៀកឈុតហែលទឹកពណ៌ផ្កាឈូក ពេលកំពុងហែលទឹកនៅលើឆ្នេរខ្សាច់ដែលមានពន្លឺថ្ងៃ កាលពីថ្ងៃទី ២២ ខែកុម្ភៈ កន្លងទៅនេះ។ យោងតាមកាសែត Daily Mail បានឲ្យដឹងថា តារាចម្រៀងអាមេរិករូបនេះ បានចំណាយពេលវិស្សមកាលនៅរមណីយដ្ឋាន Rosewood លំដាប់ផ្កាយ ៥ ដ៏ប្រណីត។

តារាចម្រៀងស្រី Selena បានបង្ហាញការចូលចិត្តវិស្សមកាលឆ្នេរខ្សាច់នៅប្រទេសម៉ិកស៊ិកជាពិសេស។ ខណៈកាលពីខែសីហាឆ្នាំមុន នាងបានរៀបចំពិធីជប់លៀងលាភាពនៅលីវ នៅ Cabo San Lucas ជាមួយមិត្តភក្តិជិតស្និទ្ធរបស់នាង ហើយតែងតែទៅលេងតំបន់នោះក្នុងវិស្សមកាល។

លើកនេះ Selena បានជួលទូកកម្សាន្តមួយដើម្បីរីករាយនឹងទេសភាព។ ក្នុងនោះដែរ នាងត្រូវបានគេឃើញស្លៀកពាក់អាវ បែបកម្សាន្តឆ្នេរខ្សាច់យ៉ាងសិចស៊ី ពេលសម្រាកនៅលើនាវា៕

ប្រភព៖ Ngoisao.net

សូមទស្សនារូបភាពខាងក្រោម៖