Katy Perry និង គូស្នេហ៍ ចេញមកកម្សាន្ត ជាមួយគ្នា យ៉ាងមានក្ដីសុខ

កម្សាន្ត៖ ថ្មីៗនេះ តារាចម្រៀងស្រី Katy Perry និង គូស្នេហ៍ ដែលជាអតីតនាយករដ្ឋមន្ត្រីកាណាដា លោក Justin Trudeau បានទៅវិស្សមកាលនៅរដ្ឋកាលីហ្វ័រញ៉ា ដោយបានទាក់ទាញចំណាប់អារម្មណ៍ ខណៈកូនស្រីរបស់តារាចម្រៀងស្រីរូបនេះ គឺ Daisy ក៏បានចូលរួមជាមួយពួកគេផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមរូបថតដែលបានចេញផ្សាយដោយ Backgrid កាលពីដើមសប្តាហ៍នេះ បានឲ្យដឹងថា តារាចម្រៀងស្រី Katy Perry និង លោក Justin Trudeau ត្រូវបានគេប្រទះឃើញនៅ Coral Casino Beach and Cabana Club ដែលជាក្លឹបឆ្នេរឯកជនលំដាប់ខ្ពស់មួយនៅ Montecito។ Daisy Dove Bloom ដែលជាកូនស្រី អាយុប្រាំឆ្នាំ របស់ Katy Perry ពីអាពាហ៍ពិពាហ៍មុនរបស់នាង ជាមួយ លោក Orlando Bloom ក៏មានវត្តមាន ផងដែរ។

ក្នុងអំឡុងពេលចេញក្រៅ តារាចម្រៀងស្រីរូបនេះ បានជ្រើសរើសរ៉ូបពណ៌សស្រាលៗ រួមជាមួយនឹងវ៉ែនតា និងស្បែកជើងប៉ាតា ដោយបំពេញបន្ថែមរូបរាងវិស្សមកាលរបស់នាង ជាមួយនឹងកាបូបស្ពាយ និងស្ទីលម៉ូដសក់ដ៏ស្រស់ស្អាត។ ទន្ទឹមនឹងនេះដែរ លោក Justin Trudeau ក៏បានស្លៀកពាក់ឈុតអាវពណ៌ខ្មៅ និងវ៉ែនតា នៅពេលដែលចុះពីឡានពណ៌ខ្មៅ។

គួររំឭកផងដែរថា តារាចម្រៀងស្រី Katy Perry និង លោក Justin Trudeau ត្រូវបានគេប្រទះឃើញជាលើកដំបូងជាមួយគ្នា កាលពីរដូវក្តៅឆ្នាំមុន នៅពេលដែលតារាចម្រៀងស្រីរូបនេះ បានធ្វើដំណើរកម្សាន្តនៅប្រទេសកាណាដា។ ពួកគេត្រូវបានគេឃើញញ៉ាំអាហារពេលល្ងាចជាមួយគ្នា បន្ទាប់ពីនោះ លោក Justin Trudeau បានចូលរួមការប្រគំតន្ត្រីមួយរបស់តារាចម្រៀងស្រីរូបនេះ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ