Fan Bingbing បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ តារាសម្តែងស្រី Fan Bingbing បានទាក់ទាញចំណាប់អារម្មណ៍យ៉ាងខ្លាំង នៅពេលដែល នាងទើបតែបង្ហាញខ្លួន ដោយពាក់ខ្សែដៃត្បូងទទឹមដ៏ទាក់ទាញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើទំព័រផ្ទាល់ខ្លួនរបស់ តារាសម្ដែងស្រី Fan Bingbing បានចែករំលែករូបថតមួយចំនួន ហើយបានសរសេរថា៖ «ស្លៀកពាក់យ៉ាងស្រស់ស្អាតដើម្បីស្វាគមន៍សំណាងល្អ»។ តារាសម្ដែងស្រីរូបនេះ បានពាក់អាវពណ៌ផ្កាឈូករចនាបថចិន ដែលត្រូវបានកាត់ដេរយ៉ាងល្អិតល្អន់ រួមផ្សំជាមួយខោខូវប៊យ និងមួក ដែលបង្កើតបានជារូបរាងដ៏ឆើតឆាយ និងទាន់សម័យ។

ទោះជាយ៉ាងណាក៏ដោយ បើប្រៀបធៀបទៅនឹងសម្លៀកបំពាក់ដែលនាងបានជ្រើសរើសយ៉ាងយកចិត្តទុកដាក់ ការចាប់អារម្មណ៍របស់អ្នកទស្សនាត្រូវបានទាក់ទាញទៅលើខ្សែដៃត្បូងទទឹមដ៏ធំសម្បើម នៅលើដៃស្តាំរបស់នាង ដែលធ្វើឱ្យគ្រឿងបន្ថែមនេះ ក្លាយជាប្រធានបទក្តៅគគុកភ្លាមៗនៅលើប្រព័ន្ធផ្សព្វផ្សាយសង្គម។

យោងតាម ប្រភព ​​HK01 បានឲ្យដឹងថា Fan Bingbing មានភាពស្ងប់ស្ងាត់ណាស់ ក្នុងរយៈពេលពីរឆ្នាំកន្លងមកនេះ។ បន្ទាប់ពី បានជាប់ពាក់ព័ន្ធនឹងរឿងអាស្រូវគេចពន្ធនៃ កិច្ចសន្យាពីរ ដែលធ្វើឲ្យសាធារណជនភ្ញាក់ផ្អើល និងធ្លាប់ត្រូវបានចុះបញ្ជីជាសិល្បករដែលរងការអាម៉ាស់នៅចិនដីគោក អាជីពរបស់នាង ស្ទើរតែជាប់គាំងទាំងស្រុង។ ក្នុងរយៈពេលប៉ុន្មានឆ្នាំចុងក្រោយនេះ នាងបានផ្លាស់ទៅហុងកុង ហើយផ្តោតលើការអភិវឌ្ឍអាជីពរបស់នាង នៅក្នុងទីផ្សារក្រៅប្រទេស៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន