David Beckham និង កូនស្រី ចេញមកកម្សាន្ត ជាមួយគ្នា យ៉ាងមានក្ដីសុខ

កម្សាន្ត៖ អតីតកីឡាករបាល់ទាត់ លោក David Beckham បានបង្ហោះរូបភាពដ៏មានក្ដីសុខ ជាមួយកូនស្រីរបស់លោក ឈ្មោះ Harper អំឡុងពេលធ្វើដំណើរកម្សាន្ត ជិះស្គីនៅតំបន់ភ្នំអាល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អតីតកីឡាករបាល់ទាត់រូបនេះ បានចំណាយពេលវេលាដ៏រីករាយ ជាមួយកូនស្រីពៅរបស់ខ្លួន កាលពីសប្តាហ៍មុន ខណៈពេលដែលពួកគេកំពុងទៅជិះស្គី នៅរមណីយដ្ឋាន Courchevel ដ៏ប្រណីត។

ជាមួយនឹងការបង្ហោះរូបថតនៅលើ Instagram កាលពីថ្ងៃទី ២៣ ខែកុម្ភៈ David Beckham បានសរសេរថា៖ «ការបង្កើតអនុស្សាវរីយ៍ជាមួយកូនៗរបស់ខ្ញុំ មិនថាជាមួយគ្នា ឬជាលក្ខណៈបុគ្គលនោះទេ គឺតែងតែសំខាន់ណាស់សម្រាប់ខ្ញុំ។ ដូច្នេះសប្តាហ៍នេះ Harper និងខ្ញុំ មានពេលវេលាដ៏គួរឱ្យចងចាំជាច្រើនទៀត។ ស្រឡាញ់អ្នក កូនស្រីដ៏ស្រស់ស្អាតរបស់ខ្ញុំ Harper Beckham»។

យោងតាមកាសែត The Sun ខណៈពេលដែលអ្នកទាំងពីរកំពុងជិះស្គី អតីតកីឡាករបាល់ទាត់រូបនេះ បានជួយស្ត្រីម្នាក់ដែលជួបគ្រោះថ្នាក់។ដោយមាន សាក្សីម្នាក់បានរៀបរាប់ថា៖ «David បានឃើញស្ត្រីនោះដួល ហើយបុកក្បាល ហើយព្រួយបារម្ភយ៉ាងខ្លាំងអំពីនាង។ គាត់បានជួយនាងដោះស្គីចេញ ហើយធ្វើឱ្យប្រាកដថា នាងមិនអីទេ។ David មានចិត្តល្អ និងជាសុភាពបុរសពិតប្រាកដ» ។

នៅក្រោម​សារ​របស់ David Beckham កាលពីថ្ងៃចន្ទ អ្នកគាំទ្រជាច្រើនបាន​បញ្ចេញមតិ​សរសើរ​ ពេលវេលា​ដ៏កក់ក្តៅ​រវាងឪពុក និងកូនស្រី ជាពិសេស ពេលនោះ ក៏​បាន​សម្តែង​ការកោតសរសើរ​ចំពោះសម្រស់​ដ៏បរិសុទ្ធ និងធម្មជាតិ​របស់ Harper ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ