អតីតស្វាមី Jennifer Lopez ចេញមកកម្សាន្ត ជាមួយ អតីតភរិយា ម្នាក់នេះ

កម្សាន្ត៖ តារាសម្ដែង លោក Ben Affleck ដែលត្រូវបានគេស្គាល់ថា ជាអតីតស្វាមី តារាចម្រៀងស្រី Jennifer Lopez បាននាំកូនប្រុស វ័យ ១៤ ឆ្នាំ រួមជាមួយនឹង អតីតភរិយា Jennifer Garner ទៅលេងល្បែងបាញ់កាំភ្លើងពណ៌ នៅថ្ងៃខួបកំណើត គឺថ្ងៃទី ២៨ ខែកុម្ភៈ កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អតីតគូស្វាមីភរិយាមួយគូនេះ ត្រូវបានគេប្រទះឃើញនៅ Combat Paintball Park ក្នុងរដ្ឋកាលីហ្វ័រញ៉ានៅរសៀលថ្ងៃសៅរ៍។ តារាសម្ដែងទាំងពីររូបនេះ បានតុបតែងខ្លួន ដោយស្លៀកពាក់ធម្មតា កាន់ឧបករណ៍បាញ់កាំភ្លើងពណ៌ និងដើរក្បែរគ្នា។ កូនប្រុសរបស់ពួកគេ Samuel បានដើរតាមជាមួយមិត្តភក្តិពីរនាក់។

មានពេលមួយ Jennifer Garner និង Ben Affleck បានបែកគ្នា ហើយផ្លាស់ទៅកន្លែងផ្សេងៗគ្នានៃឧទ្យាន។ កូនស្រីច្បងពីរនាក់របស់ពួកគេគឺ Violet  និង Seraphina បានអវត្តមានពីការកម្សាន្តមួយនេះ។

ការបង្ហាញខ្លួនរួមគ្នានេះ កើតឡើងពីរបីថ្ងៃបន្ទាប់ពី តារាសម្តែងស្រី Jennifer Garner ​​​​បានចែករំលែកដោយបើកចំហអំពីការចិញ្ចឹមកូនរួមគ្នា ជាមួយ Ben Affleck បន្ទាប់ពីការបែកគ្នា នៅឆ្នាំ ២០១៥។ 

ក្នុងរយៈពេលប៉ុន្មានឆ្នាំមកនេះ Jennifer Garner និង Ben Affleck បានរក្សាទំនាក់ទំនង ក្នុងការចិញ្ចឹមកូនរួមគ្នា ដោយជារឿយៗ ពួកគេ បានបង្ហាញខ្លួនជាមួយគ្នា នៅថ្ងៃខួបកំណើត ឬថ្ងៃឈប់សម្រាក ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ