គូស្នេហ៍ Ronaldo បង្ហាញភាពស្រស់ស្អាត ក្នុងឈុតមួយនេះ

កម្សាន្ត៖ Georgina Rodríguez ដែលត្រូវបានគេស្គាល់ថា ជាគូដណ្តឹងរបស់កីឡាករបាល់ទាត់ លោក Cristiano Ronaldo បានបង្ហាញពីរូបរាងដ៏ទាក់ទាញ នៅក្នុងឈុតបែបស៊ិចស៊ីពណ៌ខ្មៅ និងស្រោមជើង នៅលើយន្តហោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរូបថតមួយចំនួន ដែលបានបង្ហោះនៅថ្ងៃទី ២៨ ខែកុម្ភៈ កន្លងទៅនេះ ដែលថតនៅលើយន្តហោះឯកជន Georgina Rodríguez បានទាក់ទាញអ្នកចូលចិត្តជាង ៧០០០០០ នាក់។ មួយក្នុងចំណោមរូបថតទាំងនោះ បង្ហាញពីនាងកំពុងត្រៀមខ្លួនសម្រាប់ព្រឹត្តិការណ៍មួយ។

សម្លៀកបំពាក់របស់ Georgina គឺជាផ្នែកមួយនៃឈុតដែលនាងបានស្លៀកទៅកម្មវិធីបង្ហាញម៉ូដ Gucci នៅសប្តាហ៍ម៉ូដ Milan Fashion Week។ ពេលមកដល់ព្រលានយន្តហោះ និងនៅក្នុងព្រឹត្តិការណ៍នោះ រូបនាង បានបន្ថែមអាវរោមសត្វជាមួយខ្សែក្រវ៉ាត់ ស្បែកជើងកែងខ្ពស់ និងកាបូប Gucci។

ដើម្បីអបអរសាទរ ការចូលរួមកម្មវិធីបង្ហាញម៉ូដ Gucci Georgina ក៏បានបង្កើតរូបភាពពីសម័យបច្ចុប្បន្ន និង ១០ ឆ្នាំមុនផងដែរ។ ខណៈពីអ្នកលក់ដូរម្នាក់ បន្ទាប់ពីមួយទសវត្សរ៍មក រូបនាង បានបង្ហាញខ្លួននៅក្នុងកម្មវិធីបង្ហាញម៉ូដរបស់ម៉ាកយីហោនេះ ក្នុងនាមជាគូដណ្តឹងរបស់កំពូលតារាបាល់ទាត់ និងជាអ្នកមានឥទ្ធិពល នៅលើប្រព័ន្ធផ្សព្វផ្សាយសង្គមដែលមានអ្នកតាមដានជាង ៧២ លាននាក់៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ