Brad Pitt ចេញមកកម្សាន្ត ជាមួយ គូស្នេហ៍ យ៉ាងផ្អែមល្ហែម

កម្សាន្ត៖ តារាសម្តែងប្រុស លោក Brad Pitt ត្រូវបានគេប្រទះឃើញយ៉ាងស្និទ្ធស្នាល ជាមួយមិត្តស្រីរបស់ខ្លួន ដែលជា អ្នករចនាគ្រឿងអលង្ការ Ines de Ramon អំឡុងពេលដើរលេង នៅលើកោះ Hydra ប្រទេសក្រិក កាលពីថ្ងៃទី ៣ ខែមីនា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាសម្តែងប្រុសរូបនេះ បានឱបមិត្តស្រីរបស់ខ្លួន យ៉ាងស្និទ្ធស្នាល នៅពេលដែលពួកគេដើរតាមផ្លូវ ដោយបានគ្រវីដៃយ៉ាងសប្បាយរីករាយទៅកាន់អ្នកថតរូប និងអ្នកគាំទ្រ។ បន្ទាប់មក ពួកគេបានឡើងទូកតូចមួយ ជាកន្លែងដែល Brad Pitt ដាក់ដៃរបស់លោក នៅលើខ្នងរបស់ Ines ខណៈពេលដែលនាងផ្អៀងលើតារាប្រុសរូបនេះ យ៉ាងស្និទ្ធស្នាល។

គួររំឭកផងដែរថា តារាសម្ដែង លោក Brad Pitt បាននាំមិត្តស្រីរបស់ខ្លួន ទៅកាន់តំបន់មេឌីទែរ៉ាណេ នៅពាក់កណ្តាលខែកុម្ភៈ ដើម្បីថតរឿង The Riders។ កាលពីមុន Brad Pitt និង Ines de Ramon បានរក្សាជីវិតរបស់ពួកគេជាលក្ខណៈឯកជន ដោយពួកគេកម្របង្ហាញខ្លួនជាមួយគ្នាណាស់ លើកលែងតែការបង្ហាញខ្លួនដ៏កម្រមួយនៅក្នុងការបញ្ចាំងរឿង Jay Kelly នៅទីក្រុង Los Angeles សហរដ្ឋអាមេរិក ក្នុងខែវិច្ឆិកា ដើម្បីគាំទ្រមិត្តភក្តិជិតស្និទ្ធរបស់ Brad Pitt គឺតារាសម្តែង George Clooney៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ