កូនប្រុស David Beckham បង្ហាញភាពផ្អែមល្ហែម បែបនេះ ពេល រៀបចំ ខួបកំណើត ជាមួយ ភរិយា

កម្សាន្ត៖ Brooklyn Beckham ដែលត្រូវបានគេស្គាល់ថា ជាកូនប្រុសរបស់ អតីតកីឡាករបាល់ទាត់ លោក David Beckham បានថ្លែងអំណរគុណជាសាធារណៈ ចំពោះភរិយារបស់ខ្លួន ចំពោះការបង្ហោះខួបកំណើត ដែលប្រារព្ធខួបគម្រប់ ២៧ ឆ្នាំរបស់លោក ប៉ុន្តែមិនបានលើកឡើងពីកិច្ចខិតខំប្រឹងប្រែងផ្សះផ្សាចុងក្រោយបំផុត នៅក្នុងគ្រួសារនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើ Instagram កាលពីថ្ងៃទី ៤ ខែមីនា កន្លងទៅនេះ តារាសម្តែងស្រី Nicola Peltz ដែលជាភរិយារបស់ Brooklyn Beckham បានបង្ហោះវីដេអូនៃការប្រារព្ធខួបកំណើតរបស់ស្វាមីរបស់នាង រួមជាមួយនឹងសារដ៏ផ្អែមល្ហែមមួយថា «រីករាយថ្ងៃកំណើត មនុស្សជាទីស្រលាញ់ ខ្ញុំសង្ឃឹមថា​ ក្តីសុបិន្តរបស់អ្នកទាំងអស់ក្លាយជាការពិត។ អ្នកបំភ្លឺគ្រប់បន្ទប់ដែលអ្នកដើរចូល ហើយអ្នករាល់គ្នាដែលស្គាល់អ្នក គឺស្រលាញ់អ្នក។ អ្នកគឺជាមនុស្សពិសេសបំផុត ហើយខ្ញុំស្រលាញ់ការធ្វើជាភរិយារបស់អ្នក។ ស្រលាញ់អ្នក» ។

Brooklyn Beckham បានឆ្លើយតបយ៉ាងរហ័ស ជាមួយនឹងមតិយោបល់ថា «ស្រលាញ់អ្នក មនុស្សស្រីរបស់ខ្ញុំ»។

នៅក្នុងវីដេអូ Brooklyn បានទទួលប្រអប់នំខេកធំមួយដែលតុបតែងដោយពាក្យថា «រីករាយថ្ងៃកំណើត Brooklyn»។ នៅពេលដែល Brooklyn ញ៉ាំនំខេកដំបូងរបស់ខ្លួន Nicola បាននិយាយដោយរំភើបថា «សូមប្រាថ្នា!» ដោយបង្ហាញពីក្តីសង្ឃឹមរបស់នាងថា បំណងប្រាថ្នាទាំងអស់របស់ស្វាមីនាងនឹងក្លាយជាការពិត។ ខណៈ Brooklyn បានឆ្លើយតបថា «ខ្ញុំស្រលាញ់អ្នក» ។

យ៉ាងណាមិញ កាលពីមុននេះប៉ុន្មានម៉ោងមុននេះ ឪពុកម្តាយរបស់ Brooklyn លោក David Beckham និង Victoria Beckham ក៏បានបង្ហោះសារជូនពរថ្ងៃកំណើតកូនប្រុសរបស់ពួកគេផងដែរ ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ