Justin និង ភរិយា ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ តារាចម្រៀង លោក Justin Bieber និងភរិយា Hailey Bieber ត្រូវបានគេឃើញឱបគ្នា ពេលណាត់ជួប ញ៉ាំអាហារថ្ងៃត្រង់នៅ Beverly Hills កាលពីថ្ងៃទី ៦ ខែមីនា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គូស្វាមីភរិយា​មួយគូនេះ បានកាន់ដៃគ្នាពេលពួកគេចាកចេញពីភោជនីយដ្ឋានសាច់អាំងមួយកន្លែង នៅរសៀលថ្ងៃសុក្រ។ តារាចម្រៀងប្រុសរូបនេះ បានឱបចង្កេះភរិយារបស់ខ្លួនពីក្រោយ ពេលពួកគេដើរទៅចំណតរថយន្ត។ Justin និង Hailey បានជ្រើសរើស សម្លៀកបំពាក់ដែលមានផាសុកភាពសម្រាប់ការណាត់ជួប ពេលញ៉ាំអាហារថ្ងៃត្រង់របស់ពួកគេ។

កាលពីពីរបីថ្ងៃមុន Justin Bieber បានប្រារព្ធខួបកំណើត គម្រប់ ៣២ ឆ្នាំរបស់ខ្លួន ជាមួយភរិយា។ តារាចម្រៀងប្រុសរូបនេះ បានចែករំលែករូបថតជាបន្តបន្ទាប់របស់ពួកគេ ពេលកំពុងផ្លុំទៀននៅភោជនីយដ្ឋានមួយជាមួយនឹងចំណងជើងថា «គ្មាននរណាម្នាក់ដែលខ្ញុំចង់ប្រារព្ធខួបកំណើតរបស់ខ្ញុំជាមួយ ច្រើនជាងអ្នកទេ»។

យោងតាម ប្រភព ​​​​Just Jared គូស្វាមីភរិយាមួយគូនេះ ក៏បានធ្វើដំណើរទៅកាន់ប្រទេសជប៉ុនសម្រាប់ឱកាសនោះផងដែរ។ ក្រោយមក Hailey បានបង្ហោះរូបថតជាបន្តបន្ទាប់ជាមួយស្វាមីរបស់នាង នៅលើ Instagram ដោយបង្ហាញពីពេលវេលាដ៏ផ្អែមល្ហែមជាច្រើន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ