កូនប្រុស David Beckham បានបង្ហាញសកម្មភាព មួយនេះ ជាមួយ ភរិយា យ៉ាងមានក្ដីសុខ

កម្សាន្ត៖ Brooklyn Beckham ដែលត្រូវបានគេស្គាល់ថា ជាកូនប្រុសអតីតកីឡាករបាល់ទាត់ លោក David Beckham បានចូលរួមពិធីជប់លៀងខួបកំណើតម្តាយក្មេករបស់ខ្លួន ខណៈពេលដែលជម្លោះរបស់លោក ជាមួយម្តាយបង្កើត នៅតែបន្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រូបថតថ្មីៗ ដែលបានបង្ហោះដោយ Nicola Peltz ដែលជាភរិយារបស់ Brooklyn បានបង្ហាញពីសកម្មភាព របស់អ្នកទាំងពីរ ដែលកំពុងប្រារព្ធថ្ងៃពិសេសរបស់ម្តាយនាង គឺអ្នកស្រី Claudia Heffner Peltz វ័យ ៧១ ឆ្នាំ។ នៅក្នុងរូបថត Nicola និង Brooklyn Beckham បានឈរក្បែរ Claudia បង្ហាញស្នាមញញឹម និងឈរនៅពីមុខប៉េងប៉ោងពណ៌លឿងដែលសរសេរពាក្យថា ម្ដាយ។

Nicola បានសរសេរថា៖ «រីករាយថ្ងៃកំណើតម៉ាក់! គ្រាន់តែអាចហៅអ្នកថា ម៉ាក់ ធ្វើឱ្យខ្ញុំមានអារម្មណ៍ថា ជាមនុស្សដែលមានសំណាងបំផុតនៅលើពិភពលោក។ ខ្ញុំពិតជារីករាយណាស់ដែលបាននៅជាមួយអ្នកនៅថ្ងៃពិសេសនេះ។ ខ្ញុំតែងតែចូលចិត្តអបអរសាទរ និងគោរពអ្នក ពន្លឺរបស់អ្នកភ្លឺចែងចាំងខ្លាំង វាធ្វើឱ្យអ្វីៗគ្រប់យ៉ាងនៅក្នុងពិភពលោកនេះ ក្លាយជាកន្លែងកាន់តែប្រសើរ។ ខ្ញុំស្រលាញ់អ្នកច្រើនជាងអ្វីដែលអ្នកអាចស្រមៃបាន។ ខ្ញុំសង្ឃឹមថា ក្តីសុបិន្ត និងបំណងប្រាថ្នារបស់អ្នកទាំងអស់ នឹងក្លាយជាការពិត»៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ