Kylie បង្ហាញភាពស្រស់ស្អាត ពេលចូលរួមកម្មវិធីមួយនេះ ជាមួយ គូស្នេហ៍

កម្សាន្ត៖ តារាស្រី Kylie Jenner បានទាញយកចំណាប់អារម្មណ៍ ដោយបានស្លៀករ៉ូបពណ៌ក្រហម និងគ្រឿងអលង្ការពេជ្រ ខណៈពេលដែលនាងបានចូលរួមក្នុងកម្មវិធី Oscars ឆ្នាំ ២០២៦ ជាមួយនឹងមិត្តប្រុសរបស់នាង គឺតារាសម្តែង Timothée Chalamet នៅល្ងាចថ្ងៃទី ១៥ ខែមីនា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាស្រី Kylie Jenner ត្រូវបានគេថតរូប ពេលកាន់ដៃជាមួយ Timothée Chalamet នៅខាងក្នុងសាល Dolby Theatre សម្រាប់ពិធីប្រគល់រង្វាន់ ខណៈដែលរូបនាង មិនបានបង្ហាញខ្លួននៅលើកំរាលព្រំក្រហមនោះទេ។

គូស្នេហ៍មួយគូនេះ បានប្រាស្រ័យទាក់ទងគ្នាយ៉ាងសប្បាយរីករាយជាមួយមិត្តរួមការងារ និងមិត្តភក្តិនៅពេលដែលពួកគេបានជួបជុំគ្នា។

យោងតាម ​​​​ប្រភព Page Six បានឲ្យដឹងថា Kylie គឺជាតារាម្នាក់ក្នុងចំណោមតារាដែលស្លៀកពាក់យ៉ាងស្រស់ស្អាតបំផុត នៅក្នុងកម្មវិធី Oscars ឆ្នាំនេះ ដែលបានតុបតែងខ្លួន ក្នុងឈុតរ៉ូបពណ៌ក្រហម Schiaparelli ដែលមានលំនាំប៉ាក់។ តារាស្រីរូបនេះ បានបន្ថែមគ្រឿងអលង្ការពេជ្រ ២០០ ការ៉ាត់ពីម៉ាក Lorraine Schwartz។

Kylie Jenner បានអមដំណើរមិត្តប្រុសរបស់នាងពេញមួយរដូវកាលប្រគល់រង្វាន់ឆ្នាំនេះ។ គូស្នេហ៍មួយនេះ បានចូលរួមក្នុងព្រឹត្តិការណ៍ជាបន្តបន្ទាប់ដូចជា ពិធីបុណ្យភាពយន្ត Palm Springs, Golden Globes, Critics' Choice Awards និង BAFTA Film Awards ។ ហើយនេះក៏ជាឆ្នាំដំបូងដែល Timothée Chalamet បានបង្ហាញការគោរពដល់មិត្តស្រីរបស់ខ្លួនជាសាធារណៈ នៅលើឆាក បន្ទាប់ពីទាក់ទងគ្នាអស់រយៈពេលបីឆ្នាំ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ