Rain បង្ហាញអារម្មណ៍ បែបនេះ ក្រោយ រៀបការ រួច

កម្សាន្ត៖ តារាចម្រៀង Rain បានចែករំលែកអំពីការផ្លាស់ប្តូរដែលខ្លួនបានជួបប្រទះ បន្ទាប់ពីរៀបការ និងមានកូន ដែលធ្វើឱ្យអ្នកទស្សនា មានការភ្ញាក់ផ្អើល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅថ្ងៃទី ១៧ ខែមីនា កន្លងទៅនេះ Rain បានចូលរួមក្នុងកម្មវិធី YouTube Salon Drip ខណៈដែលនៅក្នុងកម្មវិធីនេះ រូបលោក និងអ្នកចូលរួមផ្សេងទៀត រួមទាំង Kim Moo Yeol និង Lee Seung Hoon បានចែករំលែករឿងរ៉ាវ នៅពីក្រោយឆាកពី ការថតកម្មវិធីកម្សាន្ត Crazy Tour របស់ ENA។

ក្នុងនោះដែរ Rain បានបង្ហាញថា ក្នុងអំឡុងពេលថតមួយ អ្នកទាំងបីត្រូវប្តូរសម្លៀកបំពាក់យ៉ាងលឿន នៅពីក្រោយគុម្ពោតព្រៃ មុនពេលលោតចូលទៅក្នុងទឹក។ តារាប្រុសរូបនេះ បានរំលឹកពីបទពិសោធន៍នេះ ដោយនិយាយថា «វាពិតជាឆ្កួតណាស់» ហើយបានទទួលស្គាល់ថា នៅពេលដែលរូបលោកកាន់តែចាស់ទុំ គឺកាន់តែមានការប្រុងប្រយ័ត្ន។

Lee Seung Hoon ដែលអង្គុយក្បែរតារាប្រុសរូបនេះ បាននិយាយលេងសើចថា «អ្នកធ្លាប់អាចដោះស្រាយបញ្ហាប្រឈមដ៏លំបាកជាងនេះទៅទៀត ប៉ុន្តែឥឡូវនេះ អ្នកស្រាប់តែនិយាយថា អ្នកមិនអាចធ្វើវាបានទេ»។ ឮដូច្នេះ Rain បានពន្យល់ថា «ពេលខ្ញុំនៅក្មេង ខ្ញុំចូលចិត្តស្វែងរកការរំភើប ប៉ុន្តែពេលខ្ញុំកាន់តែចាស់ទុំ ខ្ញុំកាន់តែជៀសវាងរឿងគ្រោះថ្នាក់។ ការមានគ្រួសារ ធ្វើឱ្យខ្ញុំគិតច្រើន មុនពេលធ្វើអ្វីមួយ។ ខ្ញុំគិតអំពីមនុស្សជាទីស្រលាញ់របស់ខ្ញុំ នៅឯផ្ទះ។ សូម្បីតែ មានការបណ្តុះបណ្តាលសុវត្ថិភាពក៏ដោយ ខ្ញុំតែងតែគិតអំពីសេណារីយ៉ូដ៏អាក្រក់បំផុត»។ តារាប្រុសរូបនេះ បានបន្ថែមថា «ឥឡូវនេះ ខ្ញុំថែមទាំងវិលមុខពេលលេងហ្គេមរំភើបទៀតផង។ ខ្ញុំពិតជា មិនស្រួលចិត្តក្នុងការប៉ះសត្វណា ក្រៅពីឆ្កែទេ។ ខ្ញុំមិនហ៊ានប៉ះពស់ទេ ព្រោះខ្ញុំខ្លាចពួកវាខាំខ្ញុំ»។

លោក Rain ក៏បានបង្ហាញផងដែរថា ភរិយា និងកូនៗរបស់ខ្លួន តែងតែគាំទ្រកម្មវិធីដែលលោកចូលរួម ដូច្នេះនៅពេលដែលលោកទទួលយកការអញ្ជើញឱ្យបង្ហាញខ្លួន នៅក្នុងកម្មវិធីទូរទស្សន៍ Crazy Tour របស់ ENA ពួកគេមានការរំភើបយ៉ាងខ្លាំង ដែលបានឃើញរូបលោក៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ