Brad Pitt និង គូស្នេហ៍ ចេញមកកម្សាន្ត ជាមួយគ្នា យ៉ាងផ្អែមល្ហែម

កម្សាន្ត៖ តារាសម្តែងប្រុស លោក Brad Pitt បានចេញកម្សាន្តវិស្សមកាល ជាមួយមិត្តស្រីរបស់ខ្លួន នៅលើទូកកម្សាន្តមួយ នៅប្រទេសក្រិកកាលពីថ្មីៗនេះ ខណៈពេលកំពុងថតរឿងថ្មីរបស់លោក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ​​ប្រភព Hola! បានឲ្យដឹងថា តារាសម្ដែងប្រុស លោក Brad Pitt និង គូស្នេហ៍ Ines de Ramon ត្រូវបានគេប្រទះឃើញ កំពុងបង្ហាញភាពស្និទ្ធស្នាលនៅលើទូកកម្សាន្តដ៏ប្រណីតមួយ ដែលបានចតនៅឆ្នេរសមុទ្រ Athens។ អ្នកទាំងពីរ បានបង្ហាញខ្លួនដោយតុបតែងស្លៀកពាក់ធម្មតាៗ និងបានរីករាយនឹងខ្យល់សមុទ្រ ។ មានពេលមួយ Ines បានឱប Brad ហើយបានដាក់ក្បាលរបស់នាង លើស្មារបស់តារាប្រុសរូបនេះ។

Ines de Ramon បានអមដំណើរ Brad Pitt ទៅកាន់កោះ Hydra នៅពាក់កណ្តាលខែកុម្ភៈ ហើយបានស្នាក់នៅជាមួយគ្នា ពេញមួយការថតរឿង The Riders។ ក្នុងអំឡុងពេលសម្រាក Brad បានចំណាយពេលជាមួយមិត្តស្រីរបស់ខ្លួន។ 

គួរបញ្ជាក់ផងដែរថា Brad និងអ្នករចនាគ្រឿងអលង្ការ Ines de Ramon បានទាក់ទងគ្នា តាំងពីឆ្នាំ ២០២២។ បន្ទាប់ពី រក្សាទំនាក់ទំនងរបស់ពួកគេជាឯកជនមួយរយៈ អ្នកទាំងពីរត្រូវបានគេឃើញ នៅជាមួយគ្នាជាញឹកញាប់ នាពេលថ្មីៗនេះ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ