កូនប្រុស David Beckham ត្រូវបាន​ ភរិយា ចេញមក សរសើរ បែបនេះ

កម្សាន្ត៖ Nicola Peltz ទទួលបានការចាប់អារម្មណ៍យ៉ាងខ្លាំង ដោយសារតែបានប្រកាសថា ស្វាមីរបស់នាង លោក Brooklyn Beckham ត្រូវបានក្រុមគ្រួសាររបស់នាង ចាត់ទុកដូចជាកូនប្រុសម្នាក់ ចំពេលមានភាពតានតឹងកាន់តែខ្លាំងឡើងរវាងរូបលោក និងឪពុកម្តាយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងបទសម្ភាសន៍ថ្មីៗនេះ ជាមួយទស្សនាវដ្តី ELLE នៅថ្ងៃទី ២០ ខែមីនា កន្លងទៅនេះ តារាសម្ដែង Nicola Peltz បានចែករំលែកដោយស្មោះត្រង់អំពីរបៀបដែលក្រុមគ្រួសាររបស់នាង បានឱបក្រសោប Brooklyn Beckham ចាប់តាំងពី ការរៀបអាពាហ៍ពិពាហ៍របស់ពួកគេ។ នាងបាននិយាយថា ឪពុកម្តាយរបស់នាង ដែលជាមហាសេដ្ឋី លោក Nelson Peltz និងអតីតតារាម៉ូដែលស្រី Claudia Heffner Peltz បានចាត់ទុក Brooklyn Beckham ដូចជាកូនប្រុស។

តារាសម្តែងស្រីរូបនេះ ក៏បានបង្ហើបផងដែរថា ស្វាមីរបស់នាង តែងតែលេងបាល់ទាត់ជាមួយបងប្អូនប្រុសរបស់នាង ជាជាងឪពុករបស់លោក ដែលជា អតីតកីឡាករបាល់ទាត់ David Beckham។ Nicola បាននិយាយថា «គាត់ចុះសម្រុងជាមួយបងប្អូនប្រុសរបស់ខ្ញុំយ៉ាងល្អ។ ពួកគេលេងបាល់ទាត់ជាមួយគ្នាគ្រប់ពេល»។

លើសពីនេះ Nicola បានបន្តសរសើរស្វាមីរបស់នាងថា «Brooklyn តែងតែគាំទ្រក្តីសុបិន្តរបស់ខ្ញុំ ហើយមានចិត្តសុភាពរាបសារខ្លាំងណាស់ នៅពេលដែលខ្ញុំដាក់សម្ពាធលើខ្លួនឯង។ គាត់មានចិត្តដ៏អស្ចារ្យ»។ 

សេចក្តីថ្លែងការណ៍របស់ Nicola មួយនេះ បានកើតឡើង បន្ទាប់ពីទំនាក់ទំនងរវាង Brooklyn និងគ្រួសារ Beckham កាន់តែតានតឹងឡើងៗ។ ចាប់តាំងពីឆ្នាំមុនមក រូបលោក និងភរិយារបស់ខ្លួន ត្រូវបានគេរាយការណ៍ថា មានជម្លោះយ៉ាងខ្លាំងជាមួយម្ដាយរបស់លោក គឺ Victoria Beckham និងសមាជិកគ្រួសារដទៃទៀត៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ