កូកា-កូឡា ជួយឱ្យគ្រួសារជួបការលំបាក ជាង ២០០០ គ្រួសារ អាច «ដើរផ្សារមិនអស់លុយ» ក្នុងឱកាសបុណ្យចូលឆ្នាំខ្មែរ ឆ្នាំ២០២៦

ភ្នំពេញ ថ្ងៃទី ៦ ខែមេសា ឆ្នាំ ២០២៦ – ក្រុមហ៊ុន កូកា-កូឡា ខេមបូឌា បេវេរេដ ខមប៉ានី  បានរៀបចំកម្មវិធី “ដើរផ្សារមិនអស់លុយ” រយៈពេល ២ថ្ងៃ ដោយជោគជ័យ ក្នុងការជួយ បងប្អូនប្រជាពលរដ្ឋ ជាង ២០០០គ្រួសារ ដែលបាន និងកំពុងភៀសសឹក តាមរយៈការ ដើរផ្សារទិញ ស្បៀងអាហារ និងសម្ភារៈប្រើប្រាស់ចាំបាច់ប្រចាំថ្ងៃ ដើម្បីត្រៀម សម្រាប់ ពិធី បុណ្យចូលឆ្នាំថ្មី ប្រពៃណីជាតិ ខ្មែរ។ កម្មវិធីនេះ បានរៀបចំឡើងនៅខេត្តបាត់ដំបង កាលពីថ្ងៃទី ៣ មេសា និងនៅខេត្តបន្ទាយមានជ័យ នៅថ្ងៃទី ៥ មេសា ២០២៦។

កម្មវិធី “ដើរផ្សារមិនអស់លុយ” របស់កូកា-កូឡា គឺជាគំនិតផ្តួចផ្តើមជួយសហគមន៍ ដែលផ្តល់ឱកាសដល់ក្រុមគ្រួសារខ្វះខាត អាចជ្រើសរើសទិញអាហារ និងសម្ភារៈប្រើប្រាស់ចាំបាច់ផ្សេងៗ តាមតម្រូវការជាក់ស្តែងរបស់ពួកគាត់។ តាមរយៈកម្មវិធីនេះ គ្រួសារនីមួយៗទទួលបានបណ្ណទឹកប្រាក់ ៥០ ដុល្លារ ដើម្បីដើរទិញទំនិញក្នុងស្តង់ដែលបានរៀបចំទុកដោយមិនអស់ប្រាក់ សំដៅជួយសម្រាលការលំបាក និងត្រៀមរៀបចំពិធីបុណ្យចូលឆ្នាំថ្មីប្រពៃណីជាតិខ្មែរ ឱ្យកាន់តែមានភាពពេញលេញ និងរីករាយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជោគជ័យនៃកម្មវិធីនេះ គឺកើតចេញពីការរួមចំណែករបស់អតិថិជនកូកា-កូឡាទាំងអស់គ្នា! កាលពីខែកុម្ភៈ កន្លងទៅ រាល់ការទិញកូកា-កូឡា ១ កេស គឺស្មើនឹងការបរិច្ចាគ ៥០០ រៀល ទៅក្នុងមូលនិធិសហគមន៍។ តាមរយៈការលក់បានសរុបចំនួន ៩២០,០០០ កេស ក្រុមហ៊ុនទទួលបានថវិកាប្រមាណ ៤៦០ លានរៀល (ស្មើនឹង ១១៥,០០០ដុល្លារ) ដើម្បីយកមកបង្កើតកម្មវិធី «ដើរផ្សារមិនអស់លុយ» ជូនបងប្អូនដែលជួបការលំបាកក្នុងឱកាសបុណ្យចូលឆ្នាំថ្មីនេះ។

ដោយមានការសហការជាមួយក្រុមហ៊ុន ឌី អេហ្វ អាយ ឡាក់គី ប្រាយវេត លីមីធីត និងអាជ្ញាធរមូលដ្ឋាន កម្មវិធី “ដើរផ្សារមិនអស់លុយ” នៅឆ្នាំនេះ បានរីកកាន់តែធំជាងមុន។ បន្ទាប់ពីជោគជ័យក្នុងការជួយដល់ ១,៨០០ គ្រួសារ កាលពីបុណ្យភ្ជុំបិណ្ឌឆ្នាំទៅ យើងបានបង្កើនការជួយដល់ទៅ ២,៣០០ គ្រួសារ នៅឆ្នាំនេះ ដើម្បីឱ្យពួកគាត់អាចជ្រើសរើសទិញម្ហូបអាហារ និងរបស់ចាំបាច់តាមតម្រូវការក្នុងគ្រួសាររៀងៗខ្លួន។

ក្នុងស្មារតីនៃការធ្វើបុណ្យទាន បែបប្រពៃណីខ្មែរ ក្រុមហ៊ុនកូកា-កូឡា បរិច្ចាគ ជាបណ្ណមានទឹកប្រាក់ ២០០,០០០ រៀល ឬ៥០ ដុល្លារ ដល់គ្រួសារខាងលើ ដើម្បីដើរទិញពីផ្សារដែលរៀបចំទុក សម្រាប់ អបអរសាទរបុណ្យចូលឆ្នាំខ្មែរដោយរីករាយ។

លោក Paulo Gaspar Rodrigues អគ្គនាយកក្រុមហ៊ុន កូកា-កូឡា ខេមបូឌា បេវេរេដ ខមប៉ានី  មានប្រសាសន៍ថា៖ «អស់រយៈពេល ៣៣ ឆ្នាំមកហើយ ដែល កូកា-កូឡា ផលិតផលិតផលលក់នៅប្រទេសកម្ពុជាផ្ទាល់ ផលិតដោយដៃខ្មែរ សម្រាប់ប្រជាជនខ្មែរ។  កូកា-កូឡាតែងតែមានលើតុ ឬក្នុងដៃ មិនថាពេលយើងធ្វើការ ពេលយើងសម្រាក ឬពេលបុណ្យទានផ្សេងៗនៅក្នុងប្រទេសកម្ពុជាយើង។ កម្មវិធី «ដើរផ្សារមិនអស់លុយ» គឺជា កម្មវិធីមួយបង្ហាញពីការតបស្នងដល់សហគមន៍ខ្មែរវិញដោយជួយ គ្រួសារជួបការលំបាក ដើម្បីឱ្យពួកគាត់អាច ចូលរួម អបអរ ពិធីបុណ្យចូលឆ្នាំថ្មីប្រពៃណីជាតិខ្មែរបានទាំងអស់គ្នាដោយភាពកក់ក្តៅ។»

លោក Charlie Bettencourt នាយកប្រតិបត្តិនៃក្រុមហ៊ុន ឌី អេហ្វ អាយ ឡាក់គី ប្រាយវេត លីមីធីត បានមានប្រសាសន៍ថា៖ «យើងពិតជាមានមោទនភាពណាស់ក្នុងការសហការជាមួយក្រុមហ៊ុនកូកា-កូឡា រៀបចំកម្មវិធីនេះឡើង ហើយនេះជាកម្មវិធីមួយ ដ៏លេចធ្លោ ព្រោះវាជួយ បំពេញតម្រូវការចាំបាច់ របស់ គ្រួសារនីមួយៗ។ យើងសូមកោតសរសើរចំពោះការនាំមុខរបស់ក្រុមហ៊ុនកូកា-កូឡា ក្នុងការបង្កើតកម្មវិធីបែបនេះឡើង ហើយវាពិតជាស៊ីគ្នានឹងជំនាញ លក់រាយរបស់ក្រុមហ៊ុន ឌី អេហ្វ អាយ ឡាក់គី ប្រាយវេត លីមីធីត ក្នុងការចូលរួមជួយលើកិច្ចការងារនេះដែរ»។

ឯកឧត្តម ស្រេង ហុង អភិបាលរងនៃគណៈអភិបាលខេត្តបាត់ដំបង បានមានប្រសាសន៍ថា៖ «កម្មវិធី ដើរផ្សារមិនអស់លុយរបស់ក្រុមហ៊ុន កូកា-កូឡា ពិតជាបានចូលរួមចំណែកយ៉ាងសំខាន់ជាមួយរាជរដ្ឋាភិបាល ដើម្បីជួយសម្រាលជីវភាពមួយចំណែក ដល់ប្រជាពលរដ្ឋ ជាពិសេសប្រជាពលរដ្ឋដែលរស់នៅតាមបណ្តោយព្រំដែនដែលកំពុងប្រឈមនឹងការខ្វះខាតក្នុងជីវភាពប្រចាំថ្ងៃ។ កម្មវិធីនេះបានផ្តល់ឱកាសដល់បងប្អូនប្រជាពលរដ្ឋ ក្នុងការដើរផ្សារ និងជ្រើសរើសទំនិញតាមតម្រូវការ ដោយមិនចំណាយថវិកាផ្ទាល់ខ្លួន ។ ខ្ញុំសូមសម្តែងនូវការអរគុណយ៉ាងជ្រាលជ្រៅដល់ក្រុមហ៊ុន កូកា-កូឡា ខេមបូឌា បេវើរេដ ខមប៉ានី ព្រមទាំងសហការីទាំងអស់ដែលបានគាំទ្រដល់ប្រជាពលរដ្ឋក្នុងឃុំភ្នំព្រឹក និងបាអង្គធំ»។

ឯកឧត្តម ឃ្លោក នួយ  អភិបាលរងនៃគណៈអភិបាលខេត្តបន្ទាយមានជ័យ បានមានប្រសាសន៍ថា៖ «ខ្ញុំសូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុនភេសជ្ជៈកូកា-កូឡា កម្ពុជា និងដៃគូទាំងអស់ ចំពោះការជួយឧបត្ថម្ភដល់ប្រជាជនខេត្តបន្ទាយមានជ័យក្នុងអំឡុងពេលដ៏លំបាកនេះ។ ការផ្តល់បណ្ណមានទឹកប្រាក់ ២០០,០០០ រៀលតាមរយៈកម្មវិធីដើរផ្សារមិនអស់ប្រាក់នេះ គ្រួសារនីមួយៗក្នុងសហគមន៍របស់យើងបានទិញទំនិញសំខាន់ៗដែលពួកគាត់ត្រូវការ និងបានត្រៀមខ្លួនសម្រាប់រៀបចំពិធីបុណ្យចូលឆ្នាំថ្មីប្រពៃណីខ្មែរខាងមុខនេះដោយក្តីរីករាយ។ យើងសង្ឃឹមថាក្រុមហ៊ុនជាច្រើនទៀត នឹងធ្វើ តាម គំរូដូចក្រុមហ៊ុនកូកា-កូឡា ហើយបន្តធ្វើការជាមួយអាជ្ញាធរ ដើម្បីជួយគាំ ទ្រដល់ ប្រជាជនក្នុងសហគមន៍របស់យើងជាបន្តបន្ទាប់ទៀត»។

លោក ស្លា ម៉ាត់ ជាអ្នក ទទួលផលពីកម្មវិធីនេះនៅខេត្តបាត់ដំបង បានមានប្រសាសន៍ថា៖ «ខ្ញុំអរណាស់ បានខាងកូកា មកជួយ ។ ដើរ ផ្សារ ចឹងទៅប្លែកមែន។ ខ្ញុំអរគុណខាង កូកា ដែលបានរៀបចំកម្មវិធីចឹងៗ»។

លោកយាយ អ៊ុច ភាព ជាអ្នកទទួលផលពីកម្មវិធីនេះនៅខេត្តបន្ទាយមានជ័យ មានប្រសាសន៍ថា៖ «សប្បាយ ចិត្តផង អរផង ព្រោះមិនដែលមាន។ មិញបានកូកា ត្រជាក់ៗទៀត។ របស់ដែលទិញបានថ្ងៃនេះ ខ្ញុំអាច ប្រើបានកៀក ១ ខែដែរ »។

តាមរយៈកម្មវិធីនេះ ក្រុមហ៊ុន កូកា-កូឡា ខេមបូឌា បេវេរេដ ខមប៉ានី  បានបង្ហាញឱ្យឃើញថា  ទង្វើតិចតួច ដែលយើងធ្វើរាល់ថ្ងៃ ក៏អាចរួមចំណែកផ្តល់ផល វិជ្ជមានដល់សង្គមយើងបានដែរ។ ជាក់ស្តែង កម្មវិធី «ដើរផ្សារមិនអស់លុយ» ដែលបានពីការគាំទ្ររបស់អតិថិជនកូកា-កូឡានេះ មិនត្រឹមតែបានជួយជាស្បៀងអាហារ និងសម្ភារៈចាំបាច់ប៉ុណ្ណោះទេ  ប៉ុន្តែជាការបង្កើតបរិយាកាសកក់ក្តៅក្នុង សហគមន៍ ដោយ មានការគិតគូរយកចិត្តទុកដាក់ខ្ពស់ និងការចែករំលែកភាព សប្បាយរីករាយរួមគ្នាផងដែរ។

អំពីក្រុមហ៊ុន កូកា-កូឡា ខេមបូឌា បេវេរេដ ខមប៉ានី

ក្រុមហ៊ុន កូកា-កូឡា ខេមបូឌា បេវេរេដ ខមប៉ានី ជាក្រុមហ៊ុនផលិត និងចែកចាយភេសជ្ជៈគ្មានជាតិស្រវឹងឈាន មុខគេមួយនៅកម្ពុជា។ អស់រយៈពេល 33 ឆ្នាំមកហើយ ដែលបាន និងកំពុងផលិតភេសជ្ជៈនៅក្នុងប្រទេសកម្ពុជា ដោយកូនខ្មែរ សម្រាប់ប្រជាជនខ្មែរ តាំងពី1993។ រោងចក្របច្ចុប្បន្ន ដ៏ទំនើបរបស់យើង បានសម្ពោធដាក់ ដំណើរការ ក្នុង ឆ្នាំ2016 មានទីតាំងស្ថិតក្នុងតំបន់សេដ្ឋកិច្ចពិសេសភ្នំពេញ ខណ្ឌកំបូល រាជធានីភ្នំពេញ។

ក្រុមហ៊ុន កូកា-កូឡា ខេមបូឌា បេវេរេដ ខមប៉ានី ជាក្រុមហ៊ុនបុត្រសម្ព័ន្ធរបស់ក្រុមហ៊ុន ស្វាយអឺកូកា-កូឡា លីមីធីត ដែលជាក្រុមហ៊ុនដៃគូផលិតចែកចាយរបស់ក្រុមហ៊ុនកូកា-កូឡា ហើយមានសិទ្ធិផ្តាច់មុខក្នុងការផលិត ធ្វើទីផ្សារ និងចែកចាយផលិតផលរបស់ក្រុមហ៊ុនកូកា-កូឡា នៅប្រទេសកម្ពុជា។

ក្រុមហ៊ុន កូកា-កូឡា ខេមបូឌា បេវេរេដ ខមប៉ានី ផលិតភេសជ្ជៈចំនួន 14 មុខ មាន 8 ម៉ាកផលិតផល (8 Brands)៖ កូកា-កូឡា ដាសានី ស្រ្ពៃ ហ្វាន់តា ស្វេប ហ្វ្យូសធី អាឃ្វ័ររៀស និងសាំម៉ូរ៉ៃ (Coca-Cola, Dasani, Sprite, Fanta, Schweppes, Fuze Tea, Aquarius, and Samurai) ចែកចេញជា 5ប្រភេទ រួមមាន ភេសជ្ជៈ មាន ជាតិហ្គាស (Sparkling) ទឹក(Water)  តែ (Tea) ភេសជ្ជៈបង្កើនថាមពល (Energy Drinks) និង ភេសជ្ជៈ បំពេញ ជាតិទឹក (Isotonic)។  

ក្រុមហ៊ុន កូកា-កូឡា ខេមបូឌា បេវេរេដ ខមប៉ានី បាននឹងកំពុងរួមចំណែកយ៉ាងសកម្មក្នុងការផ្គត់ផ្គង់ និងជួយ ជំរុញ អាជីវកម្ម តូចធំជាង ៥០,០០០ កន្លែងទូទាំងប្រទេសឱ្យរីកចម្រើនផងដែរ។

សម្រាប់អ្នកសារព័ត៌មាន សូមទាក់ទង៖ កញ្ញា សម្បត្តិ មុនីវរលក្ខណ៍ នាយកផ្នែកទំនាក់ទំនងកិច្ចការសាធារណៈ និងចីរភាព [email protected]

Coca-Cola’s Zero Riel Market Supports Over Two Thousand Families This Khmer New Year

Phnom Penh, April 6, 2026 – Coca-Cola Cambodia Beverage Company successfully hosted a two-day Zero Riel Market, supporting more than two thousand families with essential food items and daily necessities ahead of the Khmer New Year. The events took place in Battambang on April 3 and in Banteay Meanchey on April 5, 2026.

Coca-Cola’s Zero Riel Market is a community support initiative that enables families facing financial challenges to shop for essential items at no cost, allowing them to choose what they need most during festive seasons such as the Khmer New Year.

The Zero Riel Market was made possible through the “Buy Coca-Cola to Support the Zero Riel Market” program in February 2026. With 920,000 cases sold, 500 riels per case were contributed to a community support fund, raising approximately 460 million riel (USD 115,000).

The initiative was carried out in collaboration with local partners, including DFI Lucky Private Limited in both provinces. Building on last year’s success during Pchum Ben, which supported 1,800 families, the initiative was expanded this year to benefit 2,300 families, with support tailored to their household needs.

In the spirit of Cambodian giving, each family received a 200,000 riel (approx. USD 50) voucher to purchase groceries for pagoda offerings and other festive needs, helping them prepare for the Khmer New Year with pride and joy.

Mr. Paulo Gaspar Rodrigues, CEO of Coca-Cola Cambodia Beverage Company, said, “For 33 years, Coca‑Cola has been producing its products in Cambodia. Made by Khmer hands, for Khmer people, our products are shared in moments of work, rest, and celebration across the country. The Zero Riel Market is another way we can stand alongside families in need and help our communities to thrive as they celebrate the Khmer New Year.”

“We are proud to collaborate with Coca-Cola Cambodia on an initiative that is a standout program because it respects the individual needs of every household. We appreciate Coca-Cola’s leadership in creating this platform, allowing us to use our retail expertise to support the vulnerable families,” said Mr. Charlie Bettencourt, Managing Director of DFI Lucky Private Limited.

His Excellency Sreng Hong, Deputy Governor of Battambang Provincial Administration, said: “Khmer Zero Riel Market Program represents a meaningful contribution in support of the Royal Government’s efforts to alleviate some of the hardships faced by our people, particularly those living along the border who continue to encounter daily challenges. This initiative provides families with the opportunity to select and obtain essential goods according to their needs without incurring personal expenses. On this occasion, I would like to express my sincere appreciation to Coca-Cola Cambodia Beverage Company and all partners for their valuable support to the communities of Phnum Proek and Ba Ang Thom communes.”

His Excellency Khlok Noay, Deputy Governor of Banteay Meanchey Provincial Administration, said: “I would like to express my sincere gratitude to Coca-Cola Cambodia Beverage Company and all partners for their valuable support to the people of Banteay Meanchey province during this challenging time. Through the $50 voucher support of Zero Riel Market, families in our communities are able to purchase essential goods they need and better prepare for the upcoming Khmer New Year with joys. We hope more companies will be inspired by Coca-Cola’s example and continue working with us to support and strengthen our communities.”

“I’m so glad that Coca-Cola has come to help us. Shopping that way is quite unique. I’m so grateful to Coca-Cola for this initiative,” said Sla Mat, a beneficiary of the program in Battambang.

“I’ve felt very happy and excited because I’ve never seen something like that before. A moment ago, I also had a chilled bottle of coke. The items we bought today would be enough for consumption for nearly a month,” said Uch Pheap, a beneficiary of the program in Banteay Meanchey.

Through this initiative, Coca-Cola Cambodia highlighted how everyday actions can contribute to meaningful social impact. The Zero Riel Market was not only about providing essential items, but also about celebrating community, care, and shared happiness.

About Coca-Cola Cambodia Beverage Company

Coca-Cola Cambodia Beverage Company is one of the leading producers and distributors of non-alcoholic ready-to-drink beverages in Cambodia. The company has been producing beverages in Cambodia – manufactured and delivered by Khmer hands, for Khmer people - since 1993. Its state-of-the-art manufacturing plant, inaugurated in 2016, is located in the Phnom Penh Special Economic Zone in Khan Kamboul, Phnom Penh.

Coca-Cola Cambodia Beverage Company is a subsidiary of Swire Coca-Cola Limited, a bottling and distribution partner of The Coca-Cola Company, and holds the exclusive rights to produce, market, and distribute products of The Coca-Cola Company in Cambodia. 

The company produces 14 beverage offerings across eight brands - Coca-Cola, Dasani, Sprite, Fanta, Schweppes, Fuze Tea, Aquarius, and Samurai - spanning five categories: sparkling, water, tea, energy drinks, and isotonic. 

Through its nationwide distribution network, Coca-Cola Cambodia Beverage Company supplies more than 50,000 outlets across the country, supporting the growth of small and large businesses. 

For media inquiry, please contact: Sambath Munyvorleak at [email protected]