តើក្លឹប Como អាចក្លាយជាបេក្ខភាព ប្រជែង កៅអីឆេមពានលីគយ៉ាងដូចម្ដេច?

កាលពីប្រាំឆ្នាំមុន ការទៅកម្សាន្តនៅទីក្រុង Como គឺគ្រាន់តែដើម្បីសម្រាកលម្ហែកាយ មើលវីឡារបស់តារាហូលីវូដ និង ការជិះទូកកម្សាន្តតែប៉ុណ្ណោះ។ ប៉ុន្តែនៅពេលនេះ អ្វីៗបានផ្លាស់ប្តូរ៖ ក្លឹបបាល់ទាត់ក្នុងស្រុកមួយនេះ បានក្លាយជា បេក្ខភាពប្រជែងដ៏ខ្លាំងក្លាមួយសម្រាប់កៅអីក្នុងក្របខ័ណ្ឌឆេមពានលីគ។ ស្វែងយល់បន្ថែមអំពីភាពភ្ញាក់ផ្អើលបំផុតប្រចាំរដូវ កាលនៃលីគ Serie A របស់អ៊ីតាលីនៅក្នុងអត្ថបទផ្សាយពី 1xBet។

ការចាយវាយថវិកាដោយឈ្លាសវៃ៖ ឥទ្ធិពលពីឥណ្ឌូណេស៊ី

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មូលដ្ឋានគ្រឹះនៃភាពជោគជ័យបច្ចុប្បន្នរបស់ក្លឹបចាប់ផ្ដើមក្នុងឆ្នាំ 2019 ដែលកាលនោះក្លឹបលេងក្នុងក្របខ័ណ្ឌ Serie C ហើយ ត្រូវបានទិញយកដោយក្រុមហ៊ុន Djarum Group របស់បងប្អូនត្រកូល Hartono ដែលជា មហាសេដ្ឋី មាន ជាង គេ បំផុត នៅឥណ្ឌូណេស៊ី។ ខុសពីវិនិយោគិនមានទ្រព្យស្តុកស្តម្ភដទៃទៀត ដែលចូលប្រឡូកក្នុង វិស័យ បាល់ ទាត់ដើម្បី ស្វែង រក ភាពល្បីល្បាញភ្លាមៗ បងប្អូនត្រកូល Hartono បានជ្រើសរើសផ្លូវនៃការរីកចម្រើនជាជំហានៗ។

ជំនួសឱ្យការចំណាយប្រាក់យ៉ាងសន្ធឹកសន្ធាប់ដើម្បីទិញកីឡាករល្បីៗដែលជិតចូលនិវត្តន៍ ម្ចាស់ក្លឹបថ្មីបានសម្រេចចិត្ត វិនិយោគ លើហេដ្ឋារចនាសម្ព័ន្ធ និងការស្ថាបនាកីឡដ្ឋាន Stadio Giuseppe Sinigaglia ឡើងវិញ។ ប្រព័ន្ធភ្លើង បំភ្លឺ ត្រូវ បាន ធ្វើឱ្យប្រសើរឡើង ទីលានត្រូវបានរៀបចំថ្មី ហើយកៅអីអង្គុយត្រូវបានដំឡើងនៅគ្រប់តំបន់សម្រាប់ទស្សនិកជន។

ក្រុមគ្រប់គ្រងក៏ត្រូវបានរៀបចំឡើងវិញផងដែរ ដោយមានវីរបុរសរបស់ Chelsea លោក Dennis Wise បាន ធ្វើ ការ ជា មួយ ក្លឹបយ៉ាងយូរ ហើយកីឡាករដ៏ល្បីល្បាញ Thierry Henry ក៏បានក្លាយជាអ្នកប្រឹក្សា និងជាអ្នកវិនិយោគរួមនៅ Como ផងដែរ។ បុគ្គលល្បីៗទាំងនេះក៏បានជួយទាក់ទាញកីឡាករឱ្យមកចូលរួម ដែលអាចឱ្យពួក គេ មើល ឃើញ ពីភាព ហ្មត់ ចត់នៃគម្រោងនេះដោយផ្ទាល់។

កត្តាជំរុញពី Fàbregas

Cesc Fàbregas បានបង្ហាញឱ្យឃើញថាជាតួអង្គដ៏សំខាន់បំផុតនៅពីក្រោយជោគជ័យនេះ។ បន្ទាប់ ពី បាន ចូល រួម ជា មួយ Como ដើម្បីបញ្ចប់អាជីពជាកីឡាកររបស់លោកក្នុងឆ្នាំ 2022 មក បុរសសញ្ជាតិ អេស្ប៉ាញ រូបនេះ បាន ចាប់ អារម្មណ៍ យ៉ាង ខ្លាំងចំពោះគម្រោងរបស់ក្លឹប។ បន្ទាប់ពីចូលនិវត្តន៍ក្នុងរយៈពេលមួយឆ្នាំក្រោយមក លោកបានក្លាយជា ម្ចាស់ ភាគ ហ៊ុន តូចមួយ និងបានក្លាយជាប្រធានគ្រូបង្វឹករបស់ក្លឹបជាបន្តបន្ទាប់។

Fàbregas បានបង្រៀនក្រុមនូវទម្រង់លេងបែបគ្រប់គ្រងការប្រកួត ដោយផ្ដោតលើការគ្រប់គ្រងបាល់ និងការវាយបក ពី តំបន់ ការពារទៅតំបន់ប្រយុទ្ធយ៉ាងរហ័ស។ ក្រោមការដឹកនាំរបស់ Cesc ក្រុម Como បានក្លាយ ជាក្រុម មួយ ដែលមាន ទម្រង់ លេងជក់ចិត្តបំផុតនៅក្នុង Serie A នាពេលដ៏ខ្លី។

អតីតខ្សែបម្រើរបស់ Arsenal, Barcelona និង Chelsea រូបនេះ មិនដែលចាត់ ទុកខ្លួនឯង ថា ជា អ្នកដើរ តាម គន្លង គ្រូ បង្វឹក ណាម្នាក់ឡើយ។ ទោះជាយ៉ាងណាក៏ដោយ បទពិសោធន៍ធ្លាប់ធ្វើការជាមួយគ្រូបង្វឹក Arsène Wenger, Pep Guardiola, José Mourinho និង Antonio Conte បង្ហាញថា លោកមាន ឱកាស ដ៏វិសេស វិសាល ក្នុង ការ រៀន សូត្រ ពី គ្រូ បង្វឹក ឆ្នើមៗដែលមានបែបផែនដឹកនាំខុសៗគ្នា។

គោលការណ៍ផ្ទេរកីឡាករ

ការដែល Como អាចឈានជើងចូលមកប្រជែងតំណែងកំពូលទាំង 4 បាន គឺជាលទ្ធផល នៃ យុទ្ធសាស្ត្រ ដោះ ដូរ កីឡាករ ដ៏ ឈ្លាសវៃ និងការចេះមើលឃើញពីសក្តានុពលរបស់កីឡាករ។ បន្ទាប់ពីឡើងមកកាន់ Serie A ក្នុងឆ្នាំ 2024 ក្លឹប បាន ចុះ កិច្ចសន្យាជាមួយកីឡាករដែលមានបទពិសោធន៍ខ្ពស់ដូចជា Pepe Reina, Sergi Roberto និង Raphaël Varane ប៉ុន្តែស្នូលសំខាន់នៃក្រុមនៅតែជាកីឡាករវ័យក្មេង។

ផ្នែកស្វែងរកកីឡាកររបស់ Como បានស្វែងរកអ្នកមានទេពកោសល្យនៅទូទាំងទ្វីបអឺរ៉ុប និងអាមេរិកខាងត្បូង។ ការ យក ចិត្តទុកដាក់ពិសេសត្រូវបានផ្ដោតលើក្រុមយុវជននៃក្លឹបធំៗនៅអឺរ៉ុប រួមមាន Nico Paz មកពី Real Madrid, Álex Valle មកពី Barcelona និង Máximo Perrone មកពី Manchester City។ បច្ចុប្បន្នជម្រើស 11 នាក់ ដំបូង របស់ ក្រុម គឺជាការរួមបញ្ចូលគ្នារវាងភាពនឹងនរ និងភាពស្វាហាប់របស់យុវជន ដែលធ្វើឱ្យគ្រូ បង្វឹក ជើងចាស់នៅអ៊ីតាលី ក៏ពិបាក នឹង ស្មាន ដឹងពីយុទ្ធសាស្ត្ររបស់ពួកគេដែរ។

ហេតុអ្វីបានជាចំណុចនេះមានសារៈសំខាន់សម្រាប់ Serie A?

Como កំពុងតែបំបែកទម្រង់ចាស់គំរឹលនៃបាល់ទាត់អ៊ីតាលី ដែលធ្លាប់តែមានក្លឹបធំៗ គ្របដណ្ដប់អស់ជាច្រើន ទសវត្សរ៍ មក ហើយ។ ជោគជ័យរបស់ក្លឹបនេះសបញ្ជាក់ថា ប្រសិនបើមានយុទ្ធសាស្ត្រត្រឹមត្រូវ ការវិនិយោគ អាច នាំទៅ រក ជ័យ ជម្នះ បាន យ៉ាងឆាប់រហ័ស។ លើសពីនេះ ទម្រង់លេងរបស់ក្រុមបានជួយទាក់ទាញអ្នកគាំទ្រថ្មីៗយ៉ាងច្រើន ទាំងក្នុងប្រទេស អ៊ីតាលី និងនៅបរទេស។

ឆេមពានលីគក៏ត្រូវការវត្តមានក្រុមថ្មីៗខ្លះដែរ។ នៅសល់តែប៉ុន្មានសប្តាហ៍ទៀតប៉ុណ្ណោះនឹងបញ្ចប់រដូវកាល ហើយ តារាង ប្រកួត ដែលអ្នកអាចតាមដានបាននៅលើផ្លេតហ្វម 1xBet ហាក់មានភាពតឹងតែងខ្លាំងសម្រាប់ក្រុមរបស់លោក Fàbregas។ ប៉ុន្តែតាមរយៈទំនុកចិត្តរបស់ក្រុមនៅពេលជួបជាមួយក្លឹបយក្សៗ យើងមានអារម្មណ៍ថា សំឡេង ភ្លេង តន្ត្រី ឆេម ពានលីគដែលបន្លឺឡើងនៅតំបន់ Como នឹងលែងជាសុបិន្តទៀតហើយ ប៉ុន្តែវាគឺជាគោល ដៅ ដែល អាច សម្រេច បាន យ៉ាងពិតប្រាកដ។