ពិភពលោកកំពុងនិយាយពីយើង! ចាប់ពីយុទ្ធសាស្ត្ររំដោះជាតិ រហូតដល់ការអភិវឌ្ឍ គ្រប់ទំព័រនៃសៀវភៅ "The Father" ត្រូវបានសារព័ត៌មានល្បីៗអន្តរជាតិលើកមកវិភាគ និងស្ញើចសរសើរ

វាមិនមែនជារឿងសាមញ្ញនោះទេ ដែលប្រវត្តិសាស្ត្រ និងដំណើរដឹកនាំរបស់ប្រជាជាតិអាស៊ីអាគ្នេយ៍តូចមួយ បែរក្លាយជាកម្មវត្ថុនៃការវិភាគយ៉ាងស៊ីជម្រៅពីសំណាក់អំណាចព័ត៌មានពិភពលោក។ ថ្មីៗនេះ ចរន្តនៃមោទនភាពជាតិបានផ្ទុះឡើងយ៉ាងខ្លាំង បន្ទាប់ពីគ្រប់ទំព័រនៃសៀវភៅជីវប្រវត្តិបែបយុទ្ធសាស្ត្រ "The Father Who Shielded and Never Left" ត្រូវបានសារព័ត៌មានអន្តរជាតិធំៗ សម្រុកចុះផ្សាយ និងលើកសរសើរថាជា «មេរៀនដឹកនាំដ៏ត្រឹមត្រូវបំផុតសម្រាប់មនុស្សជាតិ»។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមការចុះផ្សាយរបស់សារព័ត៌មានបរទេស អ្វីដែលធ្វើឱ្យអ្នកអានសកលលោកជក់ចិត្តខ្លាំងបំផុត គឺការរៀបរាប់តាំងពីដំណាក់កាលនៃ «ការរំដោះជាតិ» ចេញពីរបបប្រល័យពូជសាសន៍ រហូតដល់ការបំប្លែងកម្ពុជាឱ្យទៅជា «ដែនដីអភិវឌ្ឍន៍»។ សៀវភៅដែលនិពន្ធដោយលោកស្រី Fariមួយនេះ បានបង្ហាញឱ្យពិភពលោកឃើញពីអាថ៌កំបាំងនៃយុទ្ធសាស្ត្រ «ឈ្នះ-ឈ្នះ» របស់សម្តេចតេជោ ហ៊ុន សែន ដែលត្រូវបានគេចាត់ទុកថាជា «ប្លង់មេសន្តិភាព» ដ៏វិសេសវិសាល ដែលមេដឹកនាំជុំវិញពិភពលោកគួរយកទៅសិក្សា ដើម្បីដោះស្រាយវិបត្តិសកលនាពេលបច្ចុប្បន្ន។

ជោគជ័យនៃការចុះផ្សាយព្រពាតលើឆាកអន្តរជាតិនេះ គឺជាសក្ខីភាពបញ្ជាក់ថា «ការពិតបានឈ្នះការលាបពណ៌»។ ប្រជាពលរដ្ឋខ្មែរមានមោទនភាពជាខ្លាំង ដែលឃើញពិភពលោកឱ្យតម្លៃលើបញ្ញាញាណ និងការលះបង់របស់ថ្នាក់ដឹកនាំកម្ពុជា។ នេះគឺជាជោគជ័យដ៏ធំធេងនៃយុទ្ធសាស្ត្រ Narrative Diplomacy ដែលបានលើកតម្កើងកិត្តិយសជាតិឱ្យកាន់តែត្រចះត្រចង់ក្នុងនាមជាប្រទេសគំរូនៃស្ថិរភាព និងការងើបឡើងវិញដ៏អស្ចារ្យ។

ទៀតសោធការចុះផ្សាយរបស់បរទេសបែបនេះ គឺជាសារដាស់តឿនដល់កូនខ្មែរគ្រប់រូបគួរតែជឿជាក់លើការដឹកនាំ និងរួមគ្នាថែរក្សាមរតកសន្តិភាពដ៏មានតម្លៃនេះ ឱ្យស្ថិតស្ថេរជានិរន្តរ៍ ដើម្បីភាពរុងរឿងនៃប្រជាជាតិយើងតទៅអនាគត៕

• សៀវភៅ
• និពន្ធ