គ្រោះថ្នាក់ចរាចរណ៍២ករណីព្រមគ្នា ធ្វើឲ្យមានកម្មកររោងចក្រ បាត់បង់ជីវិត១៤នាក់ និងរបួស៩៣នាក់

ករណីគ្រោះថ្នាក់ចរាចរណ៍ដ៏រន្ធត់មួយកើតឡើងរវាងរថយន្តដឹកកម្មករ-កម្មការិនី​ ជាមួយរថយន្តយីឌុប៥តោន​ បណ្តាលឱ្យមានអ្នកស្លាប់១៤នាក់ និងរបួសជាច្រើននាក់​ នៅព្រឹកថ្ងៃទី២៣​ ខែឧសភា​ ឆ្នាំ២០២៦​ ស្ថិតនៅភូមិសាលាលេខ៥​ ស្រុកកំពង់ត្រឡាច​ ខេត្តកំពង់ឆ្នាំង។

យោងតាមអ្នកនាំពាក្យក្រសួងការងារ លោក ស៊ុន មេសា បានឲ្យដឹងថា បច្ចុប្បន្នភាពត្រឹមម៉ោង១០៖ កម្មករ១៤បានស្លាប់ និងរងរបួស៩៣នាក់ «ក្រសួងសូមចូលរួមរំលែកទុក្ខ»

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រសួងការងារនិងបណ្តុះបណ្តាលវិជ្ជាជីវៈ មានសេចក្តីរន្ធត់យ៉ាងក្រៃលែងចំពោះករណីគ្រោះថ្នាក់ចរាចរណ៍ ចំនួន ២ករណី ដែលបានកើតឡើងព្រមគ្នានៅព្រឹកថ្ងៃទី២៣ ខែឧសភា ឆ្នាំ២០២៦ នៅខេត្តកំពង់ឆ្នាំង និងខេត្តស្វាយរៀង ដោយ បណ្តាលឱ្យបងប្អូនកម្មករនិយោជិតរងគ្រោះសរុបចំនួន ៩៣នាក់ (ស្រី ៧៤នាក់) ក្នុងនោះ ស្លាប់ចំនួន ១៤នាក់ (ស្រី ១០នាក់) របួសធ្ងន់ចំនួន ១៥នាក់ (ស្រី ១២នាក់) និងរបួសស្រាល ចំនួន ៦៤នាក់ (ស្រី ៥២នាក់)។

សូមអំពាវនាវយ៉ាងទទួចសូមគោរពច្បាប់ចរាចរណ៍៕

• គ្រោះថ្នាក់ចរាចរណ៍
• គ្រោះថ្នាក់អាយុជីវិត