AK-K ម្ចាស់ពាន Cambo Rapper កំពុងសង្គ្រោះបន្ទាន់នៅមន្ទីពេទ្យ ក្រោយត្រូវឡានដឹកដីបុកកិនពីលើ

ថ្មីៗនេះតារាចម្រៀងរ៉េបល្បីឈ្មោះ A-KK ឈ្ម្មោះពិត សុខពេជ្រ ចាន់ភិរក្ស ម្ចាស់ពានរង្វាន់កម្មវិធី Cambo Rapper បានជួបឧបទ្ទវហេតុគ្រោះថ្នាក់ចរាចរណ៍យ៉ាងធ្ងន់ធ្ងរ បន្ទាប់ពីត្រូវរថយន្តដឹកដីបុកកិនពេញទំហឹង បណ្តាលឱ្យរងរបួសជើងទាំងពីរធ្ងន់ធ្ងរខ្លាំង នៅផ្លូវទំនប់កប់ស្រូវ សង្កាត់សំរោងក្រោម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារារ៉េប AK-K ត្រូវបានដឹកបញ្ជូនទៅសង្គ្រោះបន្ទាន់ភ្លាមៗនៅមន្ទីរពេទ្យជាតិ តេជោសន្តិភាព ព្យាយាមសង្គ្រោះជើងទាំង២របស់លោក សង្ឃឹមថា នឹងមិនមានហាន្និភ័យដល់ថ្នាក់ពីការទៅចុះ។

ភ្លាមៗបន្ទាប់ពីកើតហេតុ ក្រុមគ្រួសាររបស់លោក A-KK បានធ្វើការអំពាវនាវយ៉ាងទទូចដល់កម្លាំងសមត្ថកិច្ចគ្រប់លំដាប់ថ្នាក់ មេត្តាជួយអន្តរាគមន៍ស្រាវជ្រាវ និងតាមរកអ្នកបើកបរ ក៏ដូចជាក្រុមហ៊ុនឡានដឹកដីដែលជាជនបង្ក មកទទួលខុសត្រូវចំពោះមុខច្បាប់ ដើម្បីផ្តល់យុត្តិធម៌ដល់ជនរងគ្រោះ។

ខណៈពេលនេះ គ្រួសារ មិត្តរួមសិល្បៈ និងហ្វេនៗ មានការព្រួយបារម្ភអំពីសុខទុក្ខរបស់ AK-K ជាខ្លាំង សូមជូនពរឲ្យឆ្លងផុតពីគ្រោះថ្នាក់ ពិសេសគឺជើងរបស់លោកតែម្ដង៕

ប្រភព៖ Chea Lyse

សូមទស្សនាវីដេអូនៅក្នុងឆាណែលតេឡេក្រាមរបស់ខ្មែរឡូត